Glæsilegt, XD með mest fylgi

Fínustu fréttir. Ný kynslóð er að taka við í Sjálfstæðisflokknum og í þessari könnun Capacent sést að kjósendur eru ánægðir með endurnýjunina. Sorry Steingrímur Joð, hvorki Sjálfstæðisflokkurinn né frjálshyggjan er fallinn.

Sjálfstæðisflokkur með mest fylgi

Athugasemdir

[Hilmar Gunnlaugsson, 5.3.2009 kl. 19:10]

Mér lýst ágætlega á Sjálfstæðisflokkinn að mörgu leyti og tel þar töluverða endurnýjun hafa átt sér stað sem var þörf. Það sem virðist þó koma í veg fyrir að ég kjósi flokkinn er að þið hafið hleypt Jóni Magnússyni inn í flokkinn. Sá maður mun skemma fyrir ykkur ef þið stillið honum upp ofarlega á prófkjörslista.

[Brattur, 5.3.2009 kl. 19:54]

Glæsilegt segir þú - hrollvekja segi ég...

[J.þ.A (IP-tala skráð) 5.3.2009 kl. 19:58]

Reynir ert þú á námslánum, eða lifir þú á nýfrjálshyggjunni?

Steingrímur Joð.  Hvað var það með hann?

[Reynir Jóhannesson, 5.3.2009 kl. 20:37]

Hilmar: Jón Magnússon er í prófkjöri eins og allir aðrir. Lýðræðið virkar einfaldlega þannig að allir eiga rétt á því að skrá sig í stjórnmálaflokk og gefa kost á sér. Þannig verður það bara að vera. Annað væri bara rugl.

Brattur: Gaman að vera ósammála :)

J.Þ.A: Hvernig ætti ég að lifa á nýfrjálshyggjunni? Getur þú svo (eða einhver annar) útskýrt hvað nýfrjálshyggja er? 

[Hilmar Gunnlaugsson, 5.3.2009 kl. 20:55]

Það er rétt Reynir en það hefði þó verið réttast að neita honum inn inngöngu í flokkinn er hann sneri aftur nú fyrir skömmu. Ég tel manninn setja svartan blett á Sjálfstæðisflokkinn enda er hann fyrir löngu orðinn einn þekktasti rasisti íslands. Einnig er ég sannfærður um að fleiri séu mér sammála um þennan mann og að aðkoma hans að flokkinn dragi að nokkru úr atkvæðafjölda flokksins.

[Brattur, 5.3.2009 kl. 22:04]

... eigum við að vera meira ósammála... er frjálshyggjan ekki fallin núna... ?

Dauðu peningarnir hans Hannesar Hólmsteins sem "lifnuðu" við þegar bankarnir voru einkavæddir og áttu að skapa okkur svo gott þjóðfélag... eru þeir peningar ekki steindauðir núna?

[Reynir Jóhannesson, 6.3.2009 kl. 01:04]

Brattur: Ég er alveg viss um að við getum verið sammála um margt. Það er ýmist sem má gagnrýna og hef ég sjálfur látið í mér heyra innan Sjálfstæðisflokksins. Sem dæmi get ég tekið að mér finnst ekki að hægt sé að einkavæða gróða og þjóðnýta tapið... og ég er andstæðingur verðtryggingar. Hvað er eiginlega málið með það kerfi?

En ég er bara orðinn þreyttur á að hlusta á öfgafullt tal stjórnmálamanna á vinstrivæng um eitthvað "fall" frjálshyggjunnar. Þess vegna ákvað ég að henda inn þessari síðustu setningu.. sem er kannski einum of ómálefnaleg í svona stuttu bloggi.

Hins vegar er Ísland langt frá því að vera fullkomið frjálshyggjuríki ef einungis á að fara eftir kenningunni. Hér reynum við aftur á móti að finna einhverja blöndu til að hámarka lífsgæði fólksins í landinu. Sjálfstæðisflokkurinn hefur tekið þátt í að byggja hér upp flott menntakerfi, heilbrigðiskerfi og margt fleira sem mun tryggja okkur góðar undirstöður í endurreisninni.

Hilmar: Ég held að þú verðir bara að taka þessa umræðu við Jón Magnússon sjálfan. :) Var að keyra í Ármúlanum í dag og fannst ég sjá andlit hans á gluggum þar. En mín skoðun er sú að ef margir kjósendur eru ósáttir... þá fær viðkomandi frambjóðandi einfaldlega bara slæma kosningu. Þannig vil ég að kerfið virki.

[J.þ.A. (IP-tala skráð) 6.3.2009 kl. 07:49]

Ég á nú ekki svo gott með það enda ekki háskólaborgari.  En ég veit um einn þér nærtækan. sem vinnur þarn sem þú ert.  Hann heitir Hannes Hólmsteinn Gissurason.  Það er nú best að þú reynir að ná í hann að deginum og sért ekki að trufla hann við grillið að kveldi.  Mér skilst að frjálshyggjan o.þ.a.l.  nýfrjálshyggjan séu margir fyrirlestrar.