Stjórn Sjálfstæðisflokksins

Það eru nú frekar margir sem vilja sjá Sjálfstæðisflokkinn og Samfylkinguna í ríkisstjórn. Ég er sammála því að rétt var að láta Framsóknarmenn fara frá og að þessi nýja stjórn geti verið nokkuð áhugaverð.

Kjósendur hafa gefið stjórnmálamönnum þjóðarinnar mjög skýr skilaboð með atkvæðum sínum 12.maí sl. En ég vona að Geir gefi ekkert eftir. Sjálfstæðismenn eru sigurvegarar þessara Alþingiskosninga og Samfylkingin tapaði þingmönnum. Kjósendur vilja sjá nýja ríkisstjórn en þá vel merkta Sjálfstæðisflokknum.

Ingibjörg Sólrún: VG vildi ekki mynda stjórn með Framsóknarflokki

Athugasemdir

[Tómas Þóroddsson, 17.5.2007 kl. 21:31]

Þetta verður gríðalega sterk stjórn sem getur farið í erfið mál

[Reynir Jóhannesson, 17.5.2007 kl. 22:00]

Já, ég get verið sammála því. Alla vega er ekki skortur á umboði. 63,4% er nú bara nokkuð gott! :) En hvernig ætli kosningabaráttan verði næst? Ekki getur Samfylkingin ráðist á Sjálfstæðisflokkinn....?

[Helgi Jóhann Hauksson, 17.5.2007 kl. 22:24]

Öll árin sem Framsókn var með Sjálfstæðisflokki skyldi Framsókn milli sín og Sjálfstæðisflokks skömmu fyrir kosningar með ágreiningsefnum og stundum all harðri gagnrýni á Sjálfstæðisflokkinn, svo Sjálfstæðisflokkurinn er allveganna vanur því að umbera og virða að samstarfsflokkurinn verði að gera það til að draga skýrt fram sín mál. - Þetta tókst líklega best hjá Framsókn 2003. 

Annars verður þessi stjórn á meiri jafningjagrunni en fyrri stjórnir með Sjálfstæðisflokki, því langt í frá hafa þær verið það þó svo ráðherrum hefi verið jafnt skipt.