Borgarastéttin veldur úrslitum

Stærsta vandamálið á Íslandi í dag er ekki sá hópur skuldara sem nú þegar er gjaldþrota og mun þurfa á afskriftum að halda, heldur stóri hópurinn sem segist með naumindum ná endum saman um hver mánaðarmót. Guð hjálpi okkur ef sá hópur gefst upp. Ef sá dagur kemur munum við Íslendingar finna fyrir alvöru hruni. Hrunið 2008 verður eins og góðæri í samanburði.

Ég tel það óábyrgt af stjórnmálamönnum að skoða ekki leiðréttingu á gengis- og verðtryggðum lánum.  Sérstaklega hafa þingmenn Samfylkingar staðið í afar einkennilegum málflutningi og hafnað blint svokölluðum "almennum aðgerðum". Stjórnmálamenn eiga að gæta hagsmuna okkar allra. Þeir hafa hins vegar dælt mörg hundruð milljörðum íslenskra króna inn í peningamarkaðssjóði, innlán voru tryggð að fullu o.s.frv. Margt hefur verið gert fyrir fjármagnseigendur.

Ég er ekki að segja að taka beri alla ábyrgð af skuldurum landsins, ekki halda að ég sé að biðja um eitthvað slíkt. Hins vegar snýst þetta bara um sanngirni. Að dreifa álaginu svo við endum ekki í öðru kerfishruni.

Ná ekki endum saman

Athugasemdir

[Guðbjörn Guðbjörnsson, 21.9.2009 kl. 22:39]

Þetta er svo hárrétt hjá þér og furðulegt hversu fáir koma auga á þessa augljósu staðreynd!

Ég veit ekki um hversu stóran hluta þjóðarinnar við erum að tala, en ansi stóran! 

[Héðinn Björnsson, 22.9.2009 kl. 12:49]

Ekki síst skiptir öllu að viðurkenndur sé samningsréttur þessa hóps og að reynt sé til fulls að semja við hann um lausn sem tryggir að fjármálafyrirtækin geti ekki haldið ótrauð áfram að taka 20-120% árlega vexti af húsnæðislánum.

[Reynir Jóhannesson, 22.9.2009 kl. 14:53]

Takk fyrir þessi innlegg.