Bloggfærslur mánaðarins, mars 2009

Beint lýðræði: fundur m/ Bruno Kaufmann

Bruno Kaufmann

Að mínu mati er umræðan hér á landi um beint lýðræði/persónukjör o.s.frv. á villigötum. Eftir að hafa rætt þessi mál töluvert með honum Bruno Kaufmann ákvað ég að athuga hvort ekki væri hægt að vera með opinn fund með honum þar sem hann er á landinu. Við náðum að bóka sal á Háskólatorgi og hefur nú verið auglýstur opinn fundur með honum í dag (þriðjudag) kl. 12. Þessi maður talar af mikilli reynslu og skynsemi.

 

Sjá nánari upplýsingar hér: 

http://www.hi.is/is/vidburdir/bruno_kaufman_beint_lydraedi

 

Opinn fyrirlestur Bruno Kaufmann, svissneskur stjórnmálafræðingur og blaðamaður, sem ma. rannsakað hefur átakastjórnmál og fylgdist með "búsáhaldabyltingunni" á Íslandi í janúar og mun ræða þá þróun út frá hugmyndum um beint lýðræði í opnum fyrirlestri á vegum stjórnmálafræðideildar og Stofnunar stjórnsýslufræða og stjórnmála í hádeginu á morgun þriðjudag. Bruno Kaufmann er m.a. fyrrverandi framkvæmdastjóri IRI (Initiative & Referendum institute Europe), hefur rannsakað og ritað bækur um lýðræði og átastjórnmál. Virkara lýðræði á Íslandi og hvernig þjóðarfrumkvæði og almennar atkvæðagreiðslur geta bætt fulltrúalýðræðið.

Operation Old Iceland

leadership

Alþjóðlegt lögreglusamstarf er augljóslega að skila sér. Einnig finnst mér að lögreglan á Íslandi hafi tilkynnt um aðgerðir gegn eiturlyfjaframleiðslu nánast daglega. Maður getur ekki verið annað en ánægður þegar lögreglan sýnir árangur. Hins vegar mætti spyrja hvort að Europol gæti ekki sett i gang „Old Iceland“ og klárað þetta bankahrunsmál fyrir okkur. Við virðumst að minnsta kosti ekki fær um að sjá um eigin rannsókn. Ekkert breyttist með vinstristjórn - þannig að líklegast þurfum við nýja, öfluga leiðtoga sem þora að hafa skoðanir og taka ákvarðanir. Engin breyting á leiðtogum hjá Samfylkingu og Vinstri grænum.... þannig að við munum að minnsta kosti ekki finna slíka leiðtoga þar.


mbl.is Komið upp um peningaþvætti
Tilkynna um óviðeigandi tengingu við frétt

Superobama

Barack Obama er maðurinn sem mun bjarga ímynd stjórnmála. Pólitísk ofurhetja!
mbl.is Börn eignast nýja ofurhetju - Obama
Tilkynna um óviðeigandi tengingu við frétt

Fylkingar og endurnýjun

Getur Jóhanna Sig. haldið fylkingunni saman eða mun þetta enda sem sundurfylking í stað samfylkingar eins og Agnes Bragadóttir, blaðamaður, sagði á Bylgjunni í morgun? Samfylkingin er ekki einn flokkur... heldur margir flokkar sem nota nafn kosningabandalagsins gamla. Og smá spurning... er Jóhanna tákn endurnýjunar?
mbl.is Beðið eftir Jóhönnu
Tilkynna um óviðeigandi tengingu við frétt

Sundurfylkingin

Agnes Bragadóttir, blaðamaður, sagði á Bylgjunni í morgun: "Þetta verður ekki Samfylkingin, heldur Sundurfylkingin". Getur þetta verið samfylking án Ingibjargar?


Rafræn stjórnmál - ódýr og þægileg

Þróun samskipta á netinu er áhugavert viðfangsefni. Vegna prófkjörsbaráttu og kosninga í vor hef ég í nokkur skipti rætt við vini um tengingu stjórnmálamanna við slíka samskiptavefi eins og t.d. Facebook. Það sem kemur manni á óvart er að sumum finnst viðvera stjórnmálamanna þar óþolandi... sagt er að þetta sé of mikið áreiti.

Hins vegar spyr ég: Er ekki jákvætt að stjórnmálamenn geri sitt besta til að nálgast kjósendur? Er ekki jákvætt að stjórnmálamenn finni ódýrari eða jafnvel ókeypis samskiptaleiðir til að skera niður kostnað?

Kostnaðarhlið þessa máls getur auðveldað nýjum og kannski sérstaklega ungum frambjóðendum að ná árangri. En varðandi áreitið, þá er hægt [á Facebook] að velja og hafna því sem maður vill fylgjast með. Þannig séð hefur maður mun meiri stjórn á "áreitinu" á Facebook heldur en til dæmis ef stjórnmálamenn hefðu þurft að hringja, senda tölvupóst eða senda kjósendum fullt af bæklingum og fundarboðum í pósti (sem kostar sitt).

Mín niðurstaða er sú að samskiptavefir eins og t.d. Facebook séu ákjósanlegri heldur en margar aðrar samskiptaleiðir í kosningabaráttum. 


mbl.is Samskiptasíður vinsælli en tölvupóstur
Tilkynna um óviðeigandi tengingu við frétt

Hvar er ríkisstjórnin?

Ætli svar ríkisstjórnarinnar verði ekki eitthvað svona: „Þetta er bara hluti af þrotabúi Sjálfstæðisflokksins“. Yfirtakan á Straumi verður kosningamál en ekki hagsmunamál - og kæru vinstrimenn í ríkisstjórn: Hvar eru aðgerðirnar?
mbl.is Ríkið tekur Straum yfir
Tilkynna um óviðeigandi tengingu við frétt

Að axla ábyrgð

Maðurinn sem ætlaði að axla ábyrgð er kominn í forystu á ný. Það er alveg ljóst að mesta endurnýjunin mun eiga sér stað í Sjálfstæðisflokknum. Það stefnir í að forysta Samfylkingar og VG verði óbreytt... en ætli því verði mótmælt n.k. laugardag?
mbl.is Björgvin G. efstur í prófkjöri
Tilkynna um óviðeigandi tengingu við frétt

Glæsilegt, XD með mest fylgi

Fínustu fréttir. Ný kynslóð er að taka við í Sjálfstæðisflokknum og í þessari könnun Capacent sést að kjósendur eru ánægðir með endurnýjunina. Sorry Steingrímur Joð, hvorki Sjálfstæðisflokkurinn né frjálshyggjan er fallinn.
mbl.is Sjálfstæðisflokkur með mest fylgi
Tilkynna um óviðeigandi tengingu við frétt

R-listi á Alþingi?

Ég segi bara eins og Dögg Pálsdóttir segir á sínu bloggi um þetta mál, hjá Framsókn eru ráðherrastólarnir númer 1 og málefnin númer 2. Eða hvað? Einhver ósammála? Að mínu mati er svakalega R-lista-lykt af þessu öllu. Við munum nú hvernig slík samsteypa hagaði sér í Reykjavík á sínum tíma. Fjármálastjórn R-listans fékk falleinkunn í Reykjavík. Óverjandi hallarekstur og skuldasöfnun í mesta góðæri íslandssögunnar. Kemur kannski engum á óvart... alla vega ekki þegar í síðari umræðu um ársreikning Reykjavíkurborgar árið 2006 sagði Svandís Svavarsdóttir (VG):

...það er ekki áhugi á ársreikningum og fjárhagsáætlunum sem dregur mig í pólitík

  

Ég vil ekki svona óstjórn á Alþingi.


mbl.is Vill vera í vinstri stjórn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband