AGS og stýrivextir

Þegar samningurinn við AGS var undirritaður voru stýrivextir hækkaðir verulega.... af hverju er þá ekki hægt að LÆKKA stýrivexti VERULEGA?

Þetta er ágætis lækkun, en alls ekki nóg. Á ekki að nota tímabilið með gjaldeyrishöftum til að koma stýrivöxtum niður í eðlilegt horf?

Umtalsverð vaxtalækkun í júní

Michael Jackson til Íslands

Michael Jackson getur flutt til Íslands og tekið þátt í "show'inu" hér. Í fréttinni á mbl.is kemur fram að einhver vinur hans er að reyna ná 44 milljónum USD frá honum... pff... bara klink-skuld á íslenskum mælikvarða.

Þar sem Michael Jackson hefur verið í sýningabransanum í gegnum tíðina ætti hann að geta tekið að sér kynningarstörf fyrir ríkisstjórn Jóhönnu Sigurðardóttur... var ekki í fréttum um daginn að það vantaði smá aðstoð þar? ;-)

Enn fækkar vinum Jacksons

Nýjan spítala? Hvar?

Á myndinni sést staðsetning nýja LSH miðað við þær áætlanir sem eru á vef verkefnisins. Nú þarf að taka ákvörðun um að finna nýja lóð fyrir LSH, lóð þar sem LSH getur fengið nægilegt landrými til 100 ára. Vonandi mun Ögmundur Jónasson, heilbrigðisráðherra, átta sig á þessu.

Að hafa stærstu heilbrigðisstofnun landsins í 101 Reykjavík var kannski ekki vandamál á síðustu öld, enda þá upphaflega í útjaðri íbúabyggðar. Aðstæður eru allt aðrar í dag, og hugsanlega væri tími til kominn að þessi stofnun færi aftur í útjaðar Reykjavíkur.

Þegar við þróum stærstu heilbrigðisstofnun landsins, þá verður að vera nægilegt landsvæði fyrir áframhaldandi þróun eftir þörfum sjúkrahússins og kröfum landsmanna á hverjum tíma. Það er þess vegna fráleitt að hafa ákveðið að þróa LSH í 101 Reykjavík. Í miðborg borgarinnar, dýrustu lóðirnar og flóknasta umferðaumhverfi. Það er mikilvægt að við getum þróað LSH alla þessa öld, því miklar breytingar verða á okkar samfélagi með bæði fólksfjölgun, breyttum kringumstæðum og nýjum kröfum sem verða til. Einnig verðum við að taka tillit til fólksdreifingarinnar. Ekki stækkar Reykjavík innávið heldur útávið.

Vill af stað með nýjan spítala

Allir með flensu?

Vísir.is: „Lyfin Tamiflu og Relenza eru notuð gegn inflúensu A og B og virka á svínaflensu. Lyfin fást ekki nema með ávísun frá lækni. Á fyrstu þremur mánuðum ársins seldi innflytjandi lyfsins Relenza hundrað skammta af lyfinu en fjögur hundruð í apríl. Frá áramótum og þar til fréttir tóku að berast af svínflensu fyrir tæpum tveimur vikum höfðu fjörtíu og fimm skammtar af Tamiflu selst hér á landi. Á síðustu tveimur vikum aprílmánaðar seldu innflytjendur lyfsins hins vegar 1300 skammta.“

Tíðkast það hjá læknum að gefa fólki lyf án ástæðu? Ef ekki er hægt að fá þessi lyf án ávísunar frá lækni, eins og fram kemur á Visir.is, hvernig stendur þá á því að svona margir hafa náð að birgja sig upp? ...því varla er allt þetta fólk með flensu núna?

Íslenska leiðin

 Jæja, þá fer þetta að skýrast. Sigmundur Davíð, formaður Framsóknarflokksins, hafði rétt fyrir sér og Steingrímur Joð ætti að segja af sér. Fyrir kjördag var Sigmundur Davíð sagður vera óábyrgur... en í ljós kom að það var Steingrímur J. Sigfússon sem laug í beinni um að staðan væri alls ekki svo slæm. Nú skilur maður af hverju skýrslur um fjármál eru læstar inni í leyniherbergjum - þetta er frekar óþægilegt fyrir Steingrím og því best að forðast upplýsta umræðu.

En hér í þessari frétt á mbl.is segir:

Tæplega 40 prósent af eignum nýju bankanna þriggja voru flokkuð sem slæm lán í minnisblaði ráðgjafarfyrirtækisins Oliver Wyman frá því í janúar.

Í minnisblaði Wymans, sem Morgunblaðið hefur undir höndum, segir orðrétt: „núverandi staða Íslands er verri en nokkur kreppa sem einstök þjóð hefur þolað síðan í kreppunni miklu“. Því er það mat fyrirtækisins að íslenska bankakreppan sé sú alvarlegasta sem hafi hent þjóðríki í tæp 80 ár.

Máli sínu til stuðnings ber Wyman áætlað hlutfall slæmra lána í nýju íslensku bönkunum saman við kreppur í Taílandi (33 prósent), Kóreu (18 prósent), Svíþjóð (18 prósent) og Noregi (níu prósent) sem öll gengu í gegnum miklar bankakreppur á síðustu tveimur áratugum.

Já, við erum kannski ágætlega "skrúd" ef svo má til orða taka. Hins vegar veltir maður fyrir sér hvort þessi sérhannaða "íslenska leið" út úr kreppunni miklu sé sú rétta:

Hafa stýrivexti á bilinu 15,5 til 18% og fá risa-lán hjá AGS/IMF sem við munum ekki nota til að styðja við gjaldmiðilinn sem við viljum ekki eiga.

Um 40 prósent lána slæm

Framtíðarsýnin

Sjálfstæðismenn munu veita nýrri ríkisstjórn öflugt aðhald

Fyrir kjördag grunaði mig að Samfylkingin og Vinstri grænir væru búin að semja um næsta ríkisstjórnarsamstarf... eða að minnsta kosti hvernig ætti að takast á við ESB hlið stjórnarsamstarfsins. Svo virðist ekki vera.

Valmöguleikarnir virðast vera þessir:

- Samfylking, Vinstri Grænir

- Samfylking, Vinstri Grænir, Framsókn

- Samfylking, Vinstri Grænir, Borgarahreyfing

- Samfylking, Framsókn, Borgarahreyfing

Hvað stjórnarandstöðu varðar, þá mun Sjálfstæðisflokkurinn þurfa að veita nýrri stjórn aðhald en jafnframt styðja hana þar sem rétt er farið að.

Nýtt Alþingi Íslendinga

Leiðinda vinnubrögð vinstristjórnar

Það er ekkert samkomulag í höfn við Vinstri hreyfinguna grænt framboð um Evrópusambandsaðild. „Fyrsta verk í stjórnarmyndunarviðræðum, fáum við til þess styrk, verður hins vegar að ræða það mál,“ sagði Jóhanna Sigurðardóttir, formaður Samfylkingarinnar á Stöð 2. Steingrímur J. Sigfússon, formaður VG sagði í sama þætti; „Við teljum ekki hægt að ganga í ESB og hingað til höfum við verið talin stefnufastur flokkur.“

 

Ég gefst upp á þessu liði... þetta ætlar engan endi að taka hjá þeim. Það á greinilega ekki að gefa kjósendum skýr svör heldur á að ræða málin EFTIR kosningar?!?! Hvernig ætli þetta lið væri ef það væri í stjórnarandstöðuhlutverkinu í dag?

Ekkert samkomulag um ESB

Af steingrímum og blekkingum

Formaður Framsóknarflokksins talar um leyniskýrslu um slæma stöðu íslensku bankanna. Steingrímur Joð segist ekki hafa aðgang að skýrslunni og hefur því ekki lesið hana. Samt hafnar hann innihaldi hennar. Hvernig er það hægt? Jóhanna og Steingrímur reyna nú í sjónvarpinu að snúa umræðunni við... þau vilja fá svör við því hvar Sigmundur Davíð fékk þessar upplýsingar sem hann talar um. Af hverju vilja þau ekki ræða stöðu mála? Er það vegna þess að vinstristjórnin hefur ekki gert neitt af viti í efnahagsmálum?

Steingrímur segist ætla að kynna þessa skýrslu eins fljótt og hægt er = eftir kosningar.

Þessi orð Steingríms er með því lélegara sem ég hef heyrt lengi og ætti hann að skammast sín fyrir að víkja frá fyrri loforðum um að leggja öll spilin á borðið. Þetta er ekkert annað en blekkingar korter fyrir kosningar.

Steingrímur stóð sig illa í sjónvarpinu í kvöld og hann á bara heima í stjórnarandstöðu á þingi. Hann er lélegur í stjórn - strax farinn að stunda kosningasvik. Ég held að flestir hafa fengið meira en nóg af blekkingum og leyniskýrslum... Steingrímur skynjar það kannski ekki lengur þar sem hann er valdhafinn í þessari umræðu.

Vinstristjórnin ætlar ekki að sýna sitt rétta andlit fyrr en eftir kosningar.

 

Samfylkingin enn stærst

VG eða Samfylking að trufla ESB?

Annar stjórnarflokkurinn? Ég trúi því nú varla að Samfylkingin sé að trufla ESB.

Annar stjórnarflokkurinn á Íslandi kom í dag í veg fyrir að aðildarríki Evrópska efnahagssvæðisins, auk ESB-ríkjanna eru það Ísland, Noregur og Liechtenstein, samþykktu ný lög frá Brussel um starfsemi á sviði þjónustu, þjónustutilskipunina svokölluðu, að sögn vefsíðu Dagbladet í Noregi. ... stjórnvöld á Íslandi hafi sagt nei, þau hafi viljað bíða eftir niðurstöðu Alþingiskosninganna á morgun. 

En ekki skil ég af hverju niðurstaða Alþingiskosninga ætti hér að skipta einhverju máli? Getur ekki fréttamaðurinn hringt í Jóhönnu eða Steingrím og spurt af hverju þetta fór svona? Fréttin um þetta mál á Eyjunni er nú eitthvað betri en þessi á mbl, útskýrir málið betur: Fréttin á Eyjunni

Og talandi um áhrif Íslands innan ESB... hér er sagt að Íslandi hafi komið í veg fyrir þessi lög, en að:

- það hefur engar raunverulegar afleiðingar. Lögin taka gildi í árslok 2009.

- samþykkt ríkisstjórnar er talin formsatriði.

Glæsileg áhrif eða hvað?

Frestuðu samþykkt á ESB-lögum

Ríkisflokkurinn

Sögulegar kosningar

Fáranleg fyrirsögn

Það er alveg rétt að Þorgerður Katrín nefnir álið, hins vegar kemur hvergi fram í þessari frétt að álið muni leysa vandann. Léleg fréttamennska segi ég bara.

Þessi fyrirsögn er bara sett til gera lítið úr tali sjálfstæðismanna. Álið eitt og sér mun ekki leysa vandann og sjálfstæðisflokkurinn heldur því ekki fram. Hins vegar er mikilvægt að orkufrekur iðnaður fái að starfa hér á landi, það vera kísilverksmiðja, netþjónabú, álver o.s.frv.

Íslendingar eiga að nýta þessa endurnýjanlegu orku! Ég skil eiginlega ekki af hverju þessir vinstri grænu vilja ekki nýta græna Ísland... þeir eru kannski ekkert grænir, heldur bara vinstri?

Álið leysir vandann

Nýjar aðferðir með nýjum forseta?

Bandarískir embættismenn segja, að leiðtogum Ísraels, Egyptalands og heimastjórnar Palestínumanna hafi verið boðið til Bandaríkjanna í byrjun júní til viðræðna um friðarferlið fyrir botni Miðjarðarhafs.

 

Ég hef mikla trú á því að nýr forseti í Bandaríkjunum muni beita réttum aðferðum í alþjóðasamskiptum. Svo bíðum við nú ennþá eftir því að fá hann Obama í heimsókn til Íslands. 

Leiðtogum Miðausturlanda boðið í Hvíta húsið

Borgarafundurinn

Helgi Hjörvar á borgarafundinum: sagðist ekki geta útilokað skattahækkanir en vildi ekki kveða upp úr um hvort skattar yrðu hækkaðir eða ekki.

Hvað ertu að reyna segja Helgi? Eitt svakalegast stjórnmálasvar sem ég hef séð. Af hverju ekki bara neita að svara spurningunni í stað þess að bulla svona?

Katrín Jakobsdóttir, menntamálaráðherra og oddviti Vinstri-grænna í Reykjavík norður, á borgarafundinum: segir að það verði hvort tveggja að hækka skatta og lækka laun til að vinna upp í fyrirsjáanlegan fjárlagahalla.

Jahérna... ég er orðlaus. Gengið fellur og Katrín vill einbeita sér að því að breyta stjórnarskrá lýðveldisins, lækka laun og hækka skatta. Í hvaða heimi býr þetta fólk?

Stjórnarskráin áfram á dagskrá

Úr Búsáhaldabyltingu í Bústjórabyltingu

Ríkisstjórnin ætlaði að mynda skjaldborg um heimilin en gleymdu að segja okkur frá því að sú skjaldborg var samansett af stórum hópi bústjóra. Bústjórahugmyndin er by the way hugmynd Jóhönnu og aðstoðarmanna hennar.

Næsta bylting verður því kannski Bústjórabylting en ekki Búsáhaldabylting. Kannski mun fólk fá nóg af þessum bústjórum og vilja koma þeim út úr heimilisbókhaldinu?

Stefnir í næturfund

Hvar er Hörður Torfa?

Hvar er Hörður Torfa og mótmælin núna? Þessi ríkisstjórn situr aðgerðalaus, seðlabankastjórinn situr aðgerðalaus.... og öllum er alveg sama? Voru mótmælin bara skipulögð svo VG kæmist í ríkisstjórn eða var í alvöru verið að mótmæla "ástandinu"? Því ekkert hefur breyst hvað "ástandið" varðar...

Krónan veikst með nýrri stjórn

Fjárframlög til stjórnmálaflokka

Á undanförnum dögum hafa fjölmiðlar notið þess að fjalla ítarlega um fjármál Sjálfstæðisflokksins og hefur flokkurinn opnað bókhald sitt í framhaldinu. Ég fagna þessari ákvörðun.

Við eigum öll rétt á því að vita hvort flokkarnir séu fjármagnaðir á eðlilegum forsendum og samkvæmt þeim leikreglum sem samfélagið hefur sett með lögum um fjármál stjórnmálaflokka. Mín skoðun hefur ávallt verið sú að hver sem er, einstaklingur eða fyrirtæki, megi veita stjórnmálaflokki styrk. Hámarksupphæð á Íslandi er nú kr. 300.000 en á móti fá stjórnmálaflokkar sem nú eru við völd aukin framlög frá ríkinu.

Að mínu mati ber að leyfa öll fjárframlög til stjórnmálaflokka en skal þá ströng upplýsingaskylda fylgja fyrir framlög yfir t.d. kr. 300.000. Í okkar lýðræðisþjóðfélagi er varla þörf á leynd í tengslum við há fjárframlög til stjórnmálaflokka. Slík leynd leiðir einungis af sér aukna tortryggni í garð stjórnmála. Rétt er að Sjálfstæðisflokkurinn tók við of háum fjárframlögum við árslok ársins 2006. Um þetta deilum við ekki.

Á Íslandi taka stjórnmálaflokkar við afar háum ríkisstyrkjum sem fáir virðast vilja tala um í þeirri umræðu sem á sér stað í þjóðfélaginu nú á dögum. Skattgreiðendur greiða með þessu kerfi mörg hundruð milljónir króna til stjórnmálaflokkanna. Milljónirnar fara til þeirra flokka sem hafa fengið a.m.k. einn mann kjörinn á Alþingi eða hlotið a.m.k. 2,5% atkvæða í alþingiskosningum. Úthlutun styrkja fer eftir fjölda atkvæða.

Ég geri athugasemd við að þeir flokkar sem eiga sæti á Alþingi úthluti sjálfum sér slíkar fjárhæðir af skattfé en halda svo bókhaldi sínu leyndu og tek undir með formanni SUS sem sagði í tilkynningu í gær: „Ungir sjálfstæðismenn hafa talað fyrir því, og samþykkt m.a. á þingi okkar í Vestmannaeyjum sl. haust, að fjárframlög fyrirtækja til stjórnmálaflokka þurfi að vera opinber. Slíkt gagnsæi tryggir að kjósendur viti hvaða hagsmunatengsl eru til staðar hjá flokkunum og kemur í veg fyrir að flokkar taki við ofurframlögum."

Þjóðin fjármagnar íslensku stjórnmálaflokkana að miklu leyti og ber því öllum flokkum að opna bókhald sitt. Ef stjórnmálaflokki þykir slík krafa ósanngjörn er honum velkomið að endurgreiða skattgreiðendum sitt framlag.

Deiglan.com, 11. apríl 2009.

Flokkarnir skulda hálfan milljarð

Minnihluta Alþingis mótmælt

Visir.is: "Boðað hefur verið til mótmæla fyrir utan Alþingishúsið í dag og fram á kvöld þar sem mótmæla á málþófi og andstöðu Sjálfstæðisflokksins við frumvarpi um stjórnlagaþing. Heiða B. Heiðarsdóttir ætlar að taka þátt í mótmælunum og bendir á að 70% þjóðarinnar vilji fá stjórnlagaþing og krafan um nýja stjórnarskrá sé hávær. Heiða tilheyrir Borgarahreyfingunni sem setur markið hátt í komandi þingkosningum."

Þetta er ekkert smá fyndið. Sjálfstæðisflokkurinn er í minnihluta á Alþingi og ekki lengur í ríkisstjórn. Kosningar eftir 22 daga!!! Samt eru menn ennþá að mótmæla Sjálfstæðisflokknum? Á meðan situr minnihlutastjórn vinstrimanna á sínum stað í sama gamla aðgerðaleysinu. Ætlar engin að mótmæla aðgerðaleysi ríkisstjórnarinnar? Eða eru þessi mótmæli bara auglýsingabrella í þeim tilgangi að safna atkvæðum?

Óþolandi þegar fólk notar frasa eins og t.d. "þjóðin vill" eða "X % af þjóðinni vill". Af hverju á ekki bara að leggja þessi mál í dóm kjósenda? 3 vikur í kosningar. Í kosningum fá stjórnmálamenn (og flokkar) að vita "hvað þjóðin vill".

Beint lýðræði: fundur m/ Bruno Kaufmann

Að mínu mati er umræðan hér á landi um beint lýðræði/persónukjör o.s.frv. á villigötum. Eftir að hafa rætt þessi mál töluvert með honum Bruno Kaufmann ákvað ég að athuga hvort ekki væri hægt að vera með opinn fund með honum þar sem hann er á landinu. Við náðum að bóka sal á Háskólatorgi og hefur nú verið auglýstur opinn fundur með honum í dag (þriðjudag) kl. 12. Þessi maður talar af mikilli reynslu og skynsemi.

 

Sjá nánari upplýsingar hér: 

http://www.hi.is/is/vidburdir/bruno_kaufman_beint_lydraedi

 

Opinn fyrirlestur Bruno Kaufmann, svissneskur stjórnmálafræðingur og blaðamaður, sem ma. rannsakað hefur átakastjórnmál og fylgdist með "búsáhaldabyltingunni" á Íslandi í janúar og mun ræða þá þróun út frá hugmyndum um beint lýðræði í opnum fyrirlestri á vegum stjórnmálafræðideildar og Stofnunar stjórnsýslufræða og stjórnmála í hádeginu á morgun þriðjudag. Bruno Kaufmann er m.a. fyrrverandi framkvæmdastjóri IRI (Initiative & Referendum institute Europe), hefur rannsakað og ritað bækur um lýðræði og átastjórnmál. Virkara lýðræði á Íslandi og hvernig þjóðarfrumkvæði og almennar atkvæðagreiðslur geta bætt fulltrúalýðræðið.

Operation Old Iceland

Alþjóðlegt lögreglusamstarf er augljóslega að skila sér. Einnig finnst mér að lögreglan á Íslandi hafi tilkynnt um aðgerðir gegn eiturlyfjaframleiðslu nánast daglega. Maður getur ekki verið annað en ánægður þegar lögreglan sýnir árangur. Hins vegar mætti spyrja hvort að Europol gæti ekki sett i gang „Old Iceland“ og klárað þetta bankahrunsmál fyrir okkur. Við virðumst að minnsta kosti ekki fær um að sjá um eigin rannsókn. Ekkert breyttist með vinstristjórn - þannig að líklegast þurfum við nýja, öfluga leiðtoga sem þora að hafa skoðanir og taka ákvarðanir. Engin breyting á leiðtogum hjá Samfylkingu og Vinstri grænum.... þannig að við munum að minnsta kosti ekki finna slíka leiðtoga þar.

Komið upp um peningaþvætti