Sérkennilegir fréttatímar, Davíð lagður í einelti

Ég beið spenntur eftir umfjöllun ljósvakamiðla um fleytingu krónunnar, viðtöl um árangur dagsins o.s.frv. Óstöðuleiki krónunnar er eitt helsta áhyggjuefni okkar Íslendinga og óttuðust margir hrun við fleytingu hennar. Veiking krónunnar hefur valdið okkur miklu tjóni. Fjölskyldur jafnt og fyrirtæki vonast til að sjá lausn á gjaldmiðilsvanda þjóðarinnar hið fyrsta.

 

Fréttatími Stöðvar 2 

Stöð 2 byrjar eins og venjulega á kynningu helstu frétta kvöldsins. Þar er seðlabankastjóri Davíð Oddsson helsta umfjöllunarefni. Ekki er minnst á fleytingu krónunnar.

 

Fyrsta frétt: Davíð Oddsson.

 

Önnur frétt: Davíð Oddsson.

 

Þriðja frétt: Davíð Oddsson.

 

Fyrstu 5 mín. voru tileinkaðar Davíð Oddssyni. Það merkilegasta var þó að enginn talaði eða spurði Davíð (sem er seðlabankastjóri) um fleytingu krónunnar sem átti sér stað í morgun.

 

Fjórða frétt: Afar sorglegt mál um sjálfsvíg ungs manns. Átti sannarlega heima ofarlega í fréttatíma.

 

Eftir um það bil 8-9 min. kemur loksins að fréttinni um fleytingu krónunnar.

 

Fimmta frétt: Íslenska krónan sett á flot. (15-20 sek. með upplestri á gengi helstu gjaldmiðla)

 

Krónan styrktist um 8% þrátt fyrir að margir spáðu henni jafnvel hruni til að byrja með þegar hún yrði sett á flot. Þetta er metstyrking krónunnar. Fréttin var á bilinu 15 til 20 sek. Engin viðtöl, engin fréttaskýring.

 

 

Fréttatími RÚV

Fréttastofa RÚV gerir nánast það sama og fréttastofa Stöðvar 2.

 

Fyrsta frétt: Davíð Oddsson.

 

Önnur frétt: Davíð Oddsson.

 

Þriðja frétt: Davíð Oddsson.

 

Fleyting krónunnar ekki til umfjöllunar í þessum fréttum tengdum seðlabankastjóra.

 

Fjórða frétt: Valgerður Sverrisdóttir ætlar ekki að gefa kost á sér þegar Framsóknarflokkurinn velur sér formann í janúar.

 

Framsókn fékk þar veglegan tíma eftir um það bil 7-8 min. umfjöllun um Davíð Oddsson. 10 mínútur eru liðnar þegar það kemur að frétt um fleytingu krónunnar.

 

Fimmta frétt: Íslenska krónan sett á flot.

 

RÚV fær hrós fyrir að veita krónunni ca. 105 sek. (eða 1 min. og 45 sek.) af sínum fréttatíma. Til samanburðar fékk þetta mál 15-20 sek. í fréttatíma Stöðvar 2. Umfjöllun RÚV var ítarleg og ágætis viðtöl, að minnsta kosti miðað við sömu frétt á Stöð 2 sem var einungis upplestur á gengi helstu gjaldmiðla. Engin viðtöl eða fréttaskýring á Stöð 2.

 

Getur verið að bannað sé að fjalla um Davíð Oddsson þegar sú frétt yrði jákvæð og uppbyggjandi fyrir íslenskan almenning? Hvernig stendur á því að maðurinn þurfi að sæta slíkri meðferð íslenskra fjölmiðla?

 

Sérkennilegt fréttamat Stöðvar 2 og RÚV.

Ingibjörg: Aldrei talað um 0% líkur

Athugasemdir

[Róbert Viðar Bjarnason, 5.12.2008 kl. 00:40]

Síðan í Kastljósi var enn fjallað um það hvað mundi gerast ef Davíð færi aftur í pólitík þó að hann hafi sjálfur sagt í hlaupaviðtalinu eftir fundin að hann væri ekki á leið aftur í pólitík, sem er líka augljóst þar sem hann hefur núna minna en 10% stuðning hjá þjóðinni...  Ótrúlega uppblásið stundum allt í kringum Davíð.  Hann er náttúrlega skrautleg og oft skemmtileg sjónvarpspersóna svo kannski eru fréttamenn fyrst og fremst að hugsa um að skemmta þjóðinni á sem mest dramatískan hátt?

Maður sér það líka betur og betur að Samfylking virðist vera jafn sek í þessu ótrúlega klúðri eins og margir aðrir tengdir málinu...

[Fannar (IP-tala skráð) 5.12.2008 kl. 00:53]

Rangur maður, á röngum stað, á röngum tíma, í vitlausu húsi.

[einar (IP-tala skráð) 5.12.2008 kl. 01:04]

Meira framboð en eftirspurn eftir Davíð sagði einhver.

Þetta ólöglega flot krónunnar er athyglisvert. Ég get ekki beðið eftir því þegar hvert kærumálið á eftir öðru kemur yfir íslenska ríkið vegna ólöglegrar föngunar fjárs sem erlendir aðilar eiga á íslandi. Kenndi icesave þeim ekkert????

 krónan mun falla til helvítis ef við stelum ekki peningunum frá þeim erlendu aðilum sem vilja losa um sínar krónur. Óreiðumenn, það erum við íslendingar. 

 kv e