Ekki stjórnarskrárbrot ef um „topp" mann er að ræða

Með ráðningu seðlabankastjóra hefur verið framið stjórnarskrárbrot að mati Sigurðar Líndal lagaprófessors samanber viðtal við hann í Fréttablaðinu í dag. Þar kemur fram að stjórnarskrá íslenska lýðveldisins bannar skipun embættismanna hér á landi sem ekki eru með íslenskan ríkisborgararétt.

Aðspurð í fréttatíma RÚV nú í kvöld sagði forsætisráðherra að þessi skipan væri réttmæt þar sem um „topp" mann væri að ræða. Í fréttum hefur einnig komið fram að þessi Norðmaður er rótgróinn flokksmaður í norska Verkamannaflokknum og var meðal annars aðstoðarfjármálaráðherra þess flokks um skeið. Það að Jens Stoltenberg, flokksbróðir nýja seðlabankastjóra Íslands, skyldi gera sér ferð og heimsækja hann í seðlabankann í dag undirstrikar vitaskuld hversu ópólitískur maðurinn hlýtur að vera, eða hvað?

Í þessu máli eru fagleg sjónarmið alls ráðandi eins og í öðrum ráðningum þessarar ríkisstjórnar til opinberra starfa. Til dæmis vekur hin faglega skipan Svarars Gestssonar, sendiherra og fyrrv. formanns Alþýðubandalagsins, sem formanns samninganefndar um IceSave-reikningana sérstaka athygli. Þótt Steingrímur hafi ekki verið spurður út í þessa skipan sérstaklega þá er hér örugglega líka um „topp" mann að ræða. Að vísu kom fram hjá fjármálaráðherra í kvöldfréttum í gær að hann væri miður sín yfir því að Svavar skuli ekki vera kona, enda komast fáar konur að þegar fjármálaráðherra er í ráðningarham.

Þarf að skoða málið betur

Svein og Jens í Seðlabankanum

Norska "samfylkingin" mætt til starfa á Íslandi. Markmið: koma Íslandi inn í Evrópusambandið

Norðmennirnir plotta saman í seðlabankanum. Ég nenni nú ekki að eyða of mörgum orðum í þetta mál. Kannski finnst fólki þetta vera ómerkilegt mál... en þetta er samt frekar sérstakt. Nýr norskur seðlabankastjóri... og Jens forsætisráðherra Noregs mættur á fyrsta starfsdegi.

Var ekki einhver spámaður að segja um daginn að Ísland mun enda sem ríki í Bandaríkjunum og að Barack Obama verði þá forseti Íslands?

Kannski endum við bara sem fylki í Noregi. :P

Stoltenberg fyrsti gestur seðlabankastjóra

Tveir í flokki

Svakalegt að fylgjast með Frjálslynda flokknum á hraðri niðurleið. Tveir eftir í þingflokki.. annars vegar formaður flokksins og hins vegar þingflokksformaður. Ég spái því að eftir kosningarnar í vor verðum við komin með öflugt fjórflokkakerfi á ný.

Kristinn hættur í þingflokki frjálslyndra

Dæmalaus vinnubrögð fjármálaráðherra!

Hvernig stóð á því að skipaður var bankaráðsformaður Nýja Kaupþings í gær 24. febrúar og hann hættur í dag 25. febrúar? Hvernig má það vera að maður skuli vera ráðinn bankaráðsformaður Nýja Kaupþings án þess að kannað sé hvort maðurinn hafi tíma til að sinna starfinu. Hvernig stendur á því að ráðning í þessa mikilvægu stöðu var ekki betur ígrunduð af Steingrími J. Sigfússyni, nýja fjármálaráðherra Íslands?

Eru þessi óvönduðu vinnubrögð til þess fallinn að auka traust almennings á bankakerfinu?

Smá viðbót: Getur verið að Jóhanna Sig hafi kannski boðið betur og boðið honum tímabundið starf í Seðlabankanum?

Jafnréttisstefna Steingríms Joð

Af AMX.is: 

Svavar Gestsson sendiherra verður formaður nýrrar samninganefndar um Icesave-skuldbindingarnar. Auk Svavars sitja í nefndinni Páll Þórhallsson, settur skrifstofustjóri í ráðuneytinu, Indriði H. Þorláksson, ráðuneytisstjóri í fjármálaráðuneytinu, Áslaug Árnadóttir, skrifstofustjóri í viðskiptaráðuneytinu, Martin Eyjólfsson, deildarstjóri í utanríkisráðuneytinu og Sturla Pálsson, framkvæmdastjóri í Seðlabankanum. Þá hefur verið skipuð samninganefnd vegna þeirra lána sem Íslendingum hefur verið heitið frá nokkrum ríkjum. Jón Sigurðsson, skipaður af fjármálaráðherra, verður formaður nefndarinnar. Þá sitja í nefndinni Sturla Pálsson, Martin Eyjólfsson og Björn Rúnar Guðmundsson, skrifstofustjóri í forsætisráðuneytinu.“

 

Það hefur því nú komið í ljós að orð Steingríms Joð í stjórnarandstöðu um mikilvægi þess að gæta kynjajafnréttis í skipan opinberra nefnda og ráða eru marklaus þegar til kastanna kemur. Í nýjasta dæmi um skipan í samninganefndir vegna icesave-reikninga og erlendra lántöku ríkisins er einungis að finna eina konu. Í samtali við fjármálaráðherra í fréttatíma í kvöld viðurkenndi hann að þetta væri alls ekki nógu gott. Nú hlýtur fólk að velta fyrir sér hver stefna Steingríms Joð og VG sé í jafnréttismálum.

Ánægður með þig Höskuldur

Ég hef sagt það áður hér á bloggi mínu: við verðum að vernda sjálfstæði þingmanna og veita Alþingi alvöru völd á ný. Einstakir ráðherrar og þingmenn voru alveg brjálaðir þegar Höskuldur neitaði að afgreiða eitt mál minnihluta-vinstristjórnar (seðlabankafrumvarpið) í nefnd svo það gæti farið beint í 3. umræðu.

Höskuldur er þingmaður og er einungis að sinna sínu starfi. Hvað er framkvæmdarvaldið eiginlega að hugsa þegar það ræðst svona á einstaka þingmenn fyrir ekki neitt? Vill Steingrímur Joð stjórna Alþingi eins og það sé afgreiðslustofnun framkvæmdarvaldsins? Hér er verið að semja og samþykkja seðlabankafrumvarp á hraðferð. Gott að hafa menn eins og Höskuld sem er augljóslega að fylgjast vel með.

Ég vona að þessi maður verði á þingi eftir kosningarnar í vor!

Peningastefnunefnd skal gefa út viðvörun

Orð Davíðs

DV.IS: Þá sagði Davíð að Sigmar hefði fullyrt við hann fyrir útsendingu að frumvarp ríkisstjórnarinnar um breytingar á Seðlabanka Íslands væri sett fram til höfuðs Davíð. Í samtali við DV ber Sigmar það til baka.„Nei. Það er bara algjörlega rangt,“ segir Sigmar og leggur þunga áherslu á orð sín. „Við vorum nokkur þarna baksviðs og við spurðum hann: Er þetta frumvarp þá bara til að koma þér frá?“Hann segist ekkert hafa rætt það mál frekar við Davíð. „Það var mjög einkennilegt að hann skyldi nota þetta í viðtalinu því hann fór ranglega með mín orð.“

 

Hann fór ranglega með þín orð Sigmar? En hvernig hefur þetta nú verið.... hefur aldrei verið farið rangt með orð Davíðs? 

Seðlabankamálið og samningatækni

Nú er ég nemi í alþjóðasamskiptum við HÍ þar sem við lærum meðal annars samningatækni. Hvers konar hegðun er viðeigandi til að hámarka árangur í viðræðum?

Meðal annars er þar farið yfir hugsanlegar afleiðingar óviðeigandi "yfirlýsinga". Hér er alveg ljóst að ný ríkisstjórn hefur með sínum yfirlýsingum og hegðun ekki staðið í "viðræðum". Heldur gert allt brjálað... sem er samkvæmt ráðleggingum sérfræðinga í samningatækni einmitt það sem á ekki að gera. Til dæmis að senda seðlabankastjórum bréf og fara með það beint í fjölmiðla? Hvaða rugl var það?

Ríkisstjórnin hefur klúðrað þessu seðlabankamáli... ég er ekki með þessu að segja að seðlabankinn hafi gert allt rétt. Hins vegar er það á ábyrgð ríkisstjórnarinnar að beita réttum aðferðum. Ég legg til að allt þetta fólk sem tengist seðlabankamálinu lesi eftirfarandi bók og geri sér grein fyrir mikilvægi tilfinninga í samningaviðræðum: Beyond reason (ódýr.. einungis kr. 1.980 hjá Bóksölu stúdenta í Háskóla Íslands)

Furðar sig á vinnubrögðum

Atvinnuleysið burt!

Menn (aðallega Hörður Torfa) hrópa nú á dögum "Davíð burt" en ég vil gjarnan hrópa "atvinnuleysið burt". Það er alveg rétt hjá Gylfa Magnússyni að við getum náð verslun upp á ný. En hvernig verður það hægt með fjölda atvinnulausra nær 20.000?

Verslunin mun rísa á ný

Hvað er í gangi?

Hvaða harðræði er þetta í mönnum? Hér er augljóslega ekki verið að tefja málin af óþörfu heldur er þingmaðurinn Höskuldur Þórhallsson að vanda sig í sínu starfi. Er það eitthvað sem ný ríkisstjórn þolir ekki? Ef þingmenn vilja kanna mál betur þá eiga þeir rétt til þess. Við viljum styrkja stöðu þingsins og ein afleiðing þess er að töf eins og þessi getur komið upp. Það er fullkomlega eðlilegt og ætti framkvæmdarvaldið (sem er ekki með alræðisvald hér á landi) að skammast sín fyrir að leggjast svona á Höskuld og saka hann um að vera svokallaður "Davíðsmaður". Svo er það nú annað mál.. að mér finnst menn ekki eitraðir þótt þeir séu vinir eða stuðningsmenn Davíðs.

Illugi Jökulsson var með bloggfærslu um þetta mál á DV.is og notaði einmitt þetta Davíðs-tal. Þvílík vitleysa.

Höskuldur í háskaför

Rugl að fresta kosningum

Hvað voru þessir menn (og konur) að hugsa þegar reynt var að fresta kosningum? Á Alþingi er nú verið að ræða stöðu og starfsumhverfi íslenskrar verslunar. Mæli með umræðunni.

...og er það satt að Davíð Oddsson sé gestur í Kastljósi í kvöld?

Kosningar verða 25. apríl

Eignarhald fjölmiðla

Hver ætti að eiga fjölmiðla landsins? Eigum við að takmarka eignarhald einkaaðila? Hvað með hlutverk RÚV og samkeppni ríkis og einkaaðila á fjölmiðlamarkaði? Til að takast á við þetta... þurfum við ekki bara 1 stk Davíð Oddsson og 1 stk lög um fjölmiðla?

Þrjú tilboð bárust í Árvakur

The Future of the Grassroots Movement

Ánægður með þetta!

Svakalega er ég ánægður með þessa frétta :) Óska þeim sem fá nú að mæta í vinnu og klára tónlistarhúsið til hamingju!

Tónlistarhúsið fær grænt ljós

Hugmyndasamkeppni fyrir fyrirtækin

Í tengslum við síðustu færslu legg ég einnig til að haldin verði hugmyndasamkeppni fyrir íslensk fyrirtæki.

3.500 fyrirtæki stefna í þrot

Hugmyndasamkeppni fyrir heimilin

Hvernig væri nú að tala í lausnum? Geta stjórnmálamenn gert það fyrir okkur? Ég hef t.d. fengið nóg af verðtryggingarkerfinu. Það má vel vera að hagfræðin geti fært rök fyrir því.. en mér finnst þetta kerfi einfaldlega bara vera ósanngjarnt. Svo einfalt er það og ég þarf ekkert að skrifa meira um það.

Það er ekki hægt að eignast neitt hér á landi. Það er ekki hægt að standa undir óverðtryggðu láni á Íslandi... þannig að fólk tekur verðtryggð lán til að eignast heimili fyrir sig og sína (sem er ekki heldur hægt að standa undir). Kemur varla neinum á óvart? Sjálfstæðisflokkurinn er sá flokkur sem á að skilja þessa stöðu fólks... flokkurinn á að skilja þessa ósk um sjálfstæði og mikilvægi þess fyrir einstaklinginn og fjölskylduna að eignast heimili. Ég sé ekki neinn annan stjórnmálaflokk á Alþingi tala eitthvað sérstaklega fyrir frelsi og sjálfstæði einstaklingsins. Ríkið ætti kannski bara að eiga allar fasteignir á Íslandi og við greiðum bara ríkinu leigu? Steingrímur Joð, væri það ekki sniðugt?

Nú er ég sjálfstæðismaður og óska þess að Nýja Ísland muni bjóða upp á samfélag þar sem farið er vel með fé sem skattgreiðendur leggja til, þar sem stjórnmálamenn geri sér grein fyrir eigin ábyrgð og viti hvenær þeir eiga að segja af sér og að lokum þar sem fólki verði tryggt kerfi sem tryggir jákvæða eignarmyndun, við viljum ekki öll verða milljarðamæringar... heldur viljum við bara geta staðið undir kaupum á eigin húsnæði. Sumir vanmeta mikilvægi þess að styðja við sjálfstæðistilfinningu fólks.

Nú eru prófkjör og kosningar framundan og kannski er það ágætis hvatning fyrir íslenska stjórnmálamenn? En nú verður haldin hugmyndasamkeppni um heildarskipulag Gömlu hafnarinnar í Reykjavík. Hvernig væri nú að halda hugmyndasamkeppni fyrir íslensk heimili?

Heimilin skulda 2.000 milljarða

Höfnin flutt, flugvöllurinn kyrr

Ég skrifaði grein í 24stundir í fyrra þar sem ég tók fyrir nokkrar hugmyndir fyrir hafnarsvæði borgarinnar. Það er ánægjulegt að sjá þetta svæði fá slíka athygli og vonandi verður þetta svæði sett í forgang á næstu árum. En hér er það sem ég skrifaði í fyrra:

Höfnin flutt, flugvöllurinn kyrr!

Svo verður maður bara að óska CCP til hamingju og vonandi verða þeir alltaf hér á klakanum... og þá auðvitað helst hér í Reykjavík! :)

CCP með flesta starfsmenn

Ánægður með Gylfa

Er ekki Gylfi bara að standa sig ágætlega? Ég er alla vega sammála þeim sem tala fyrir fjölgun á utanþingsráðherrum.. það er að segja að skipa fleiri ráðherra sem eru ekki þingmenn. En varðandi Bretamálið þá hefði margt mátt betur fara í samningaviðræðum eða samskiptum yfirhöfuð á milli íslenskra stjórnvalda og breskra. Nú er ég nemi í alþjóðasamskiptum við Háskóla Íslands og þar er námsefni sem ætti að vera skyldulesning fyrir þingmenn og ráðherra.

Gylfi lofar Bretum engu

ESB bjargar ekki Þýskalandi

Neyðarlög sem veita heimild til að þjóðnýta banka? Er það ekki bara fyrir svona smáríki utan ESB sem kunna ekki á bankarekstur? Af hverju þarf þýska ríkisstjórnin að velta þessu fyrir sér...?

Ætla að þjóðnýta banka

Vonir fjölmiðla um drama?

Voru fjölmiðlar kannski að vonast til þess að það yrði drama á fundi viðskiptanefndar Alþingis þar sem Davíð Oddsson mætti sem gestur? Það væri kannski fínt fyrir fréttatíma og spaugstofu. En eins og formaður nefndarinnar segir í þessari frétt: "þetta frumvarp snýst um að setja einn seðlabankastjóra í stað þriggja og svo stofnun peningastefnunefndar."

Er lausn umboðslausu-minnihluta-vinstri-stjórnarinnar að fækka seðlabankastjórum og setja hluti í nefnd? Svakalegt.

Ekkert drama í viðskiptanefnd