Hegðun utanríkisráðherra Mottaki ekki til fyrirmyndar

Bandaríkjamenn slitu samband sitt við Írana árið 1980. Það eru núna 27 ár síðan og kannski tímabært að þessir aðilar komi sér saman aftur í þeim tilgangi að ná samkomulagi um frið, samstarf og sameiginleg markmið. En G.W.Bush er kannski ekki rétti maðurinn í þetta, og því vona ég að Barack Obama verði næsti forseti Bandaríkjanna. Ég tel það mun líklegra að hann muni ná árangri með nýrri utanríkisstefnu.

Rice er öflugur stjórnmálamaður. Kannski hefði hún átt að vera utanríkisráðherra næsta forseta. Hún hefur staðið sig vel, enda er ekki einfalt að vera utanríkisráðherra Bandaríkjanna(sérstaklega núna). En þessi vandarmál eru ekki einungis Bandaríkjamönnum að kenna. Íranar og Írakar bera einnig ábyrgð. Hegðun utanríkisráðherra Írans, Manouchehr Mottaki, er ekki til fyrirmyndar.

Alþjóðastjórnmálin eru flókin, enda eru fræðimenn ekki einu sinni sammála um hvað hnattvæðing er eða hvernig ríki eiga að hegða sér í henni. Ég fer í próf í Alþjóðavæðingu núna kl 1330. Kannski fær maður spurningu um samskipti ríkja í alþjóðavæðingunni eða eitthvað tengt öryggi.

Íranar saka Bandaríkin um að bera ábyrgð á hryðjuverkum í Írak

Vinstrimenn að missa sig í Frakklandi?

Það er nú alltaf það sama með vinstrimenn í stjórnmálum. Það er augljóst að ráðgjafar Segolene Royal hafa ekki gert heimavinnu sína. Í rannsóknum hefur það sýnt sig að neikvæðar auglýsingar/umfjöllun hefur yfirleitt öfug áhrif en þeim er ætlað. Fólk finnur fyrir samúð fyrir þeim flokki/frambjóðenda sem ráðist er á og því hagnaðist viðkomandi flokkur/frambjóðandi á þeim aðgerðum.

Þannig séð ætti Sarkozy að þakka Royal. Hún gerir ekkert annað en að tryggja honum sigurinn! 

Royal varar við ofbeldi

Höfum búið við mjög góða ríkisstjórn

Í könnun sem kynnt var í dag kemur fram, að íslenskir áhrifavaldar treysta stjórnvöldum betur en viðskiptalífinu. Sagði hún líklegra að viðskiptalífið hefði ekki enn fengið nægan tíma til að ávinna sér traust, en vöxtur viðskiptalífsins á Íslandi hefði verið gífurlegur á mjög skömmum tíma.

Halla Tómasdóttir, framkvæmdastjóri Viðskiptaráðs íslands, segir einnig í sama viðtali: “Við búum í samfélagi þar sem stjórnin hefur setið lengi, og hér hefur skapast afskaplega gott umhverfi (...) við höfum búið við mjög góða ríkisstjórn.”

Traust til stjórnvalda er mikilvægt fyrir lýðræðið. Samkvæmt fjölda lýðræðiskenninga er það algjört grundvallar atriði að fyrir liggi traust í garð stjórnvalda/stjórnmálamanna. Það má einnig nefna að formaður Sjálfstæðisflokksins er sá stjórnmálamaður á Íslandi sem mælist með mesta traust almennings.

Það er ekki þannig að við búum í einhverju glæpasamfélagi þar sem allt er að fara til fjandans. Stjórnmálaflokkar vinstrimanna reyna að láta það koma þannig fram. Því hvað annað en óánægja nær Sjálfstæðisflokknum frá völdum? Vinstriflokkarnir þurfa á þessari óánægju að halda í kosningabaráttunni og búa hana þess vegna til að mörgu leiti. Ég segi "að mörgu leiti" vegna þess að ég átta mig alveg á því að núverandi ríkisstjórn er ekki fullkomin enda er hún ekki skipuð einungis sjálfstæðismönnum.

Baugsmálið neikvætt fyrir viðskiptalífið

Hussein næsti forseti Bandaríkjanna!

Barack Hussein Obama Jr. fæddist í Honolulu(Hawaii) árið 1961. Hann er stjórnmálafræðingur og sérhæfður í alþjóðasamskiptum. Bætti einnig við gráðu frá Harvard Law School. Nokkrum árum seinna, 1996, var hann kjörinn þingmaður í ríkinu Illinoi. Demókratar fengu meirihluta á þingi þessu og Obama tók við ýmsum formannsstörfum og nefndarstörfum. Til dæmis hefur hann starfað mikið í utanríkisnefnd þingsins og hefur þannig séð náð sér í mikla og dýrmæta reynslu í alþjóðastjórnmálum með því að ferðast og fræðast um alþjóðastjórnmál. Obama hefur heimsótt og hitt leiðtoga í löndum eins og Jordaníu, Kuwait, Írak, Ísrael, Rússlandi, Úkraínu og Azerbaijan svo einhver lönd séu nefnd. Margir gagnrýndu George W. Bush og Bandaríkjumenn almennt fyrir að vera reynslulaus í alþjóðamálum. En ekki er hægt að segja það um Obama, langt frá því.

Málamiðlari, ungur og kraftmikill
Obama hefur einnig verið þekktur fyrir að vera málamiðlari, geta aflað sér stuðnings og starfað vel með bæði demókrötum og repúblikunum. Þetta er hæfileiki sem hefur ekki alveg verið rauði þráðurinn gegnum bandaríska forsetaembættið gegnum tíðina. Hann hefur tekið þátt í mörgum lagafrumvörpum og komið sínum málum í gegn. Obama er þekktur fyrir að vera “man of action”. Þannig séð á Obama sér bjarta framtíð í stjórnmálum og góða möguleika í prófkjörskosningum demókrata þótt hann sé ungur(sem þýðir í stjórnmálum: “reynslulaus”). Getum kannski til gamans sagt að hann sé einn “Guðlaugur Þór” þarna í stóru Bandaríkjunum. Þeir reyndu og gömlu vilja halda í embættin sín, en ungi Barack Obama hefur hingað til ekki látið við sér hreyfa.

Eitt annað áhugamál hans hefur verið að starfa í þágu fátækra í landi sínu, bæði sem stjórnmálamaður og sem háskólanemi í sjálfboðavinnu. Þetta er fjölskyldumaður og hann hefur mikla trú á því að bæta menntun í landinu og gefa öllum tækifæri til að ná árangri í lífi sínu.

Forsetaframbjóðandi?
Varðandi forsetaframboð þá ætlaði hann sér ekki að reyna að verða forsetaframbjóðandi Demókrata í næstu forsetakosningum, þar sem Obama svaraði þeirri spurningu neitandi í janúar á þessu ári (2006). Hann ætlar að klára sitt kjörtímabil sem senator. En núna nýlega í október sagði Obama eftirfarandi:

“I don’t want to be coy about this, given the responses that I’ve been getting over the last several months, I have thought about the possibility. But I have not thought [...] about it with the seriousness and depth that I think is required. My main focus right now is in the '06(Elections for the United States House of Representatives) and making sure that we take the Congress. [...] after November 7, I’ll sit down [...] and consider, and if at some point, I change my mind, I will make a public announcement and everybody will be able to go at me.”

Hann neitar þar með að taka afstöðu til málsins í dag, en ætlar að gefa frá sér tilkynningu eftir kosningarnar sem fara fram í bandaríkjunum á morgun, þriðjudag 7.nóvember (2006). Sérfræðingar hafa sagt að Obama eigi meiri möguleika árið 2008 en til dæmis 2012 eða seinna. Ásamt Hillary Clinton er hann einn af þeim vinsælustu innan demókrataflokksinns (núna vinsælastur). Ég er enginn sérfræðingur í bandarískum stjórnmálum, en það kæmi mér ekki á óvart ef Sentor Obama yrði President Obama. Annar möguleiki væri Hillary Clinton sem forseti og Obama sem varaforseti, sem ég persónulega hefði gjarnan vilja sjá standa með sigur í næstu forsetakosningum Bandaríkjanna.

Eins og sést hér fyrir neðan, þá átti hann sér nokkuð öruggan sigur árið 2004. Hvort hann eigi eftir að eiga jafn öruggan sigur í næstu kosningum, eigum við nú bara eftir að sjá.

2004 general election for U.S. Senate
- Barack Obama (D), 70%
- Alan Keyes (R), 27%
- Albert J. Franzen (I), 2%
- Jerry Kohn (L), 1%

- - - - - - - - - -

Þennan pistil skrifaði ég haustið 2006 og birti hann meðal annars á deiglunni. Ég nefni þarna neðst að Hillary gæti einnig verið forseti með Obama sem varaforseta. Það má breyta þessu í Obama sem forseta og Hillary sem varaforseta. Fylgi Obama Mælist nú meira en Clintons. En samkvæmt könnunum þá eru margir ennþá óákveðnir hvað varðar Obama, vilja kynnast honum betur. Þannig séð mun ég spá því að fylgi hans fari aukandi á næstunni. Eins og Krissi félagi minn hefði sagt: Klassi!

Obama 2008:
www.barackobama.com
www.myspace.com/barackobama

Fylgi Obama mælist nú meira en Clintons

Darfur ekki á dagskrá?

Þetta var alveg nauðsynleg ákvörðun. Það mætti jafnvel senda fleiri friðargæsluliða. En hvað með framhaldið? SÞ hafa bara verið að framlengja aftur og aftur... Er ekki Darfur að fara komast á dagskrá alþjóðasamfélagsins? 

Dvöl friðargæsluliðs SÞ í Súdan framlengd til 31. október

Samfó og Vinstri grænó í stjórn?

Óska VG til hamingju með þetta fylgi. Það er alveg klárt mál að jafnaðarmenn á Íslandi hafa ekki fundið sér einn sterkan flokk, sem átti nú að vera Samfylkingin. Kannski finna sér nýtt nafn? T.d. "Fylkingin".

Ríkisstjórnin virðist nú ekkert vera í neinni hættu. Það virðist samt vera einhver pirringur í framsóknarmönnum, þannig að ég held að það sem verður spennandi er hvort sjálfstæðismenn ákveða að fara aftur í stjórn með framsóknarmönnum. Ef þetta verða úrslit kosninga, þá er nokkuð öruggt að Sjálfstæðisflokkurinn verði þar í forystu.

Nema Samfylkingin, VG og Framsóknarmenn ná saman? :P 

Fylgi Samfylkingar og VG jafnmikið

Obama 2008

Það hefur verið athyglisvert að fylgjast með honum Barack Obama. Allt virðist ganga mjög vel og hann hefur klárlega náð sér í góðan PR-fulltrúa.

Hann hefur sýnt það að hann hefur nægilega reynslu og þekkingu til að geta verið forseti. Með Obama sem forseta í Bandaríkjunum, þá er ég nokkuð viss um að miklar breytingar verði á alþjóðastjórnmálunum. Það eru, að mínu mati, mikil þörf fyrir bætt samskipti og nýja aðferðafræði hvað varðar utanríkisstefnu Bandaríkjanna. Til að það geti tekist þá þarf nýtt fólk inn í Hvíta Húsið, ekki gamla forsetaparið aftur. Hillary Clinton er flott kona og flottur stjórnmálamaður. En það er einfaldlega bara rangt að senda Clinton hjónin aftur í Hvíta Húsið. Þau fengu sín átta ár. 

Barack Obama 
www.barackobama.com

www.myspace.com/barackobama

Hillary Clinton 
www.hillaryclinton.com

www.myspace.com/hillaryclinton 

Demókratar tókust á í sjónvarpskappræðum

Af hverju Qwerty lyklaborð?

Skemmtilegur pistill sem birtist á deiglunni í gær. Það er hún Hrefna Lind Ásgeirsdóttir (hugbúnaðarverkfræðingur) sem skrifar um lyklaborðin sem við notum nú á dögum. Af hverju notum við til dæmis þetta lyklaborð sem heitir "Qwerty"?

"Lyklaborðið kallast QWERTY lyklaborð eftir fyrstu bókstöfum efstu raðar en það var hannað af Christopher Sholes árið 1860. Í þá daga notuðust menn við ritvélar þar sem uppsetning lyklaborðsins var eftir stafrófsröð.(...) Ritvélarnar voru hannaðar þannig að þegar ýtt var á takka lyklaborðsins slóst upp armur með tilheyrandi staf.(...)Ef slegið var of ört á takkana náðu armarnir ekki að komast í upphafsstöðu áður en næsti fór upp og því flæktust þeir oft á tíðum saman."

Pistill: Hver vegna þetta lyklaborð? 

Hvað mun þetta kosta?

Ég skil ekki hvernig Norðmenn, með þessum samningi, eru að vernda sjálfstæði Íslendinga. Það er nú einmitt þannig að á friðartímum er varla þörf fyrir slíkri hernaðarlegri vernd. Í fréttagreininni á mbl.is er sagt frá því að: "Norsk stjórnvöld hafi undirstrikað, að samkomulagið megi ekki túlka með neinum hætti þannig að Norðmenn axli ábyrgð á vörnum Íslands komi til hernaðar heldur hafi Bandaríkin og NATO eftir sem áður þá ábyrgð." Nato og Bna bera einmitt ábyrgðina hvað varðar fullveldisvernd Íslendinga. Þannig séð er einfaldlega rangt að segja að Norðmenn vilja með þessu vernda íslenskt sjálfstæði eða fullveldi.

En það virðist nú ekki vera hægt að gera mikið núna, þar sem þeir virðast vera komnir með drög að samningi og eru að fara skrifa undir. Það sem ég vill þá fá að vita er hvað þetta mun kosta íslenskum skattgreiðendum. Það væri gaman ef íslenskir fjölmiðlar mundu reyna finna út úr því fyrir okkur. Það getur ekki verið að Norðmenn ætla sér að gefa Íslendingum þessa "flottu fullveldisvernd" ókeypis?! Norski herinn á nú þegar erfitt með að fjármagna sína starfsemi og get ég ekki séð hvernig þeir ætlast til að fjármagna þessar aðgerðir sjálfir.

Mín skoðun er sú að við eigum að dýpka samstarf okkar við nágrannaþjóðir á sviði varnar- og öryggismála. En það á að vera á borði landhelgisgæslunnar þegar kemur að þátttöku Íslendinga. Við eigum að efla okkar eigin landhelgisgæslu til að ávallt geta boðið íslenskum skattgreiðendum(þeir sem borga reikninginn) upp á góðu þjónustu á sviði varnar- og öryggis. Ekkert mál að gera samkomulag um sameiginlega þjálfun og auknu samstarfi um björgunarmál.

Hvar eru svo þeir sem mótmæltu viðveru Bandaríkjamanna á Miðnesheiðinni? Af hverju er þessu ekki mótmælt? Eru þeir ekki alvöru herstöðvaandstæðingar?

Samstarf við Norðmenn um öryggismál gildir aðeins á friðartímum

Undirskriftasöfnun - Vaka vill fleiri stúdentagarða

Stúdentafélagið Vaka vekur athygli á húsnæðisvandamálum stúdenta. Hvetjum alla til að skrifa undir og látum nú í okkur heyra.  

En það hefur verið mikið á dagskrá Vöku eftir kosningarnar í febrúar sl. Félagið hefur meðal annars staðið fyrir málþingi þar sem allir stjórnmálaflokkarnir tóku þátt og núna undirskriftasöfnun. Verð nú að segja að mér finnst þetta vera frekar öflugt og Vaka með einungis fólk í sjálfboðastarfi er að toppa Stúdentaráð sem leiðandi hagsmunaaðili stúdenta. Röskva er með þrjá launaða starfsmenn á skrifstofu stúdentaráðs. (Tveir í 100% starfi + lánasjóðfulltrúa í 50% starfi).

Sarkozy tekur þetta!

Fyrsta umferð í forsetakosningu Frakka:

 

 

 

 

 

Sarkozy: 31,1% vs. Royal: 25,8%
 

 

 

 

 Francois Bayrou: 18,6%

 

 

 

 

 

 Jean-Marie Le Pen: 10,5%

 

 

Nú hefst kosningabarátta á ný í Frakklandi og Sarkozy þarf að vera duglegur á næstu vikum. Royal er öflug og er ekki langt á eftir honum með sín 25,8%. Önnur umferð sem verður baráttan á milli Sarkozy og Royal fer fram 6. maí nk.

Kosningabaráttan hefst á ný í Frakklandi

Sarkozy vs. Royal

Það verður nú fínt fyrir Frakka að geta kosið sér nýjan forseta. Nýi forsetinn tekur við af Jacques Chirac, sem verið hefur forseti Frakklands undanfarin 12 ár. Kannski ekki alveg heppilegt að vera með sama forseta í yfir áratug. Það er nú ástæða fyrir því að Bandaríkin hafa sett takmörk hjá sér þar sem bandarískur forseti getur einungis setið 2xkjörtímabil(8 ár). 

En ég hef því miður ekki náð að fylgjast vel með þessari kosningabráttu, en maður getur nú ekki gert annað en að vona að hægri sigri vinstri. Vonandi verður Nicolas Sarkozy næsti forseti Frakklands. Hann er fulltrúi miðju-hægri stjórnmálanna, sem ætti nú að vera besti kostur Frakka.

En þessi kosning er einnig mikilvæg fyrir okkur. Úr frétt á bbc.co.uk:

"Whoever wins, says the BBC's diplomatic correspondent Jonathan Marcus, it will mark a change of political generation and perhaps a shift in French international priorities, making this election matter even to those outside France."

Kjörstaðir opnaðir í Frakklandi

Ekki sammála

Ég er ekki sammála þessu. Reykjavíkurborg á ekki að standa í slíkum fasteignakaupum. Núverandi eigendur bera ábyrgð á sinni eigin fjárfestingu og eiga sjálfir að koma þessu upp aftur eða selja öðrum einkaaðila sem hefur áhuga á því.

Það á ekki að gera kröfur um að götumynd haldi sér og verði sem næst því sem var. Það er einfaldlega bara rangt að Borgin verði að fara í þessi kaup til að hraða uppbyggingu. Ef það kviknar í húsinu mínu... ætlar borgin að koma og kaupa það til að "hraða uppbyggingu"?

Það er auðvita leiðinlegt þegar svona kemur fyrir í hjarta borgarinnar, en þetta er ekkert annað en mál einkaaðila!

MBL.IS: Reykjavíkurborg vill kaupa hús sem urðu eldi að bráð

State of the Union, 2007

Sjálfstæðismenn mest sexý...

...samkvæmt Sirkus, sjá bls. 10(Fylgir Fréttablaðinu í dag). "Sirkus leitaði til málsmetandi álitsgjafa til að skera úr um kynþokka þingmanna og -kvenna". Þar eru þau Þorgerður Katrín Gunnarsdóttir og Bjarni Benediktsson sögð vera mest sexý. Einnig skora þeir Guðlaugur Þór Þórðarson og Sigurður Kári Kristjánsson hátt. 40% af þeim sem eru að finna á síðunni eru sjálfstæðismenn. Þá er bara að vona að fylgið eftir kosningar verði 40%+. Miðað við hversu sexý flokkurinn er, þá ætti það ekki að vera mikið mál :P 

Aðrir:

Steingrímur J. Sigfússon, Kolbrún Halldórsdóttir, Katrín Júlíusdóttir, Jóhanna Sigurðardóttir, Magnús Stefánsson og Valgerður Sverrisdóttir. 

Það er föstudagur + próflestur. Þannig að pælingar um Evrópusambandið eða almenn stjórnmál verða ekki miklar í dag.

Alba og Timberlake á lista yfir stjörnur með mestan kynþokka

Fríverslunarviðræður Íslendinga valda skjálfta

DEIGLAN.COM: Samkvæmt vefritinu Fishupdate.com þá er einhver skjálti í mönnum í evrópska fiskiðnaðinum vegna fríverslunarviðræðna Íslendinga og Kínverja. Evrópusambandið(ESB) hefur sett upp tollmúra til að aðstoða innlendra framleiðendur í samkeppni við frosinn fisk frá Kína. Allt er á uppleið í Kína, en mikill samdráttur í Evrópu. Sagt er frá því á Deiglunni að með slíkum fríverslunnarsamningi "myndast möguleiki á því að flytja frosnar fiskafurðir til Íslands og þaðan til Evrópusambandsins þar sem Ísland er í Evrópska Efnahagssvæðinu.(...) Hér eru um mikil tækifæri fyrir íslenska athafnamenn að ræða.  Þetta væri ekki mögulegt ef Ísland væri aðili að Evrópusambandinu."

Þetta sýnir okkur hvernig Ísland getur hagnast verulega á því að starfa sjálfstætt og ekki láta ESB taka slíkar ákvarðanir fyrir sig. Ef Ísland væri aðili að ESB, þá væri það einfaldlega bara þannig að sambandið hefði neitað Íslendingum að fara í þessu viðskipti. Sambandið og Ísland deila ekki sömu áhyggjum eins og sést vel í þessu máli. Íslendingar vilja nýta sér tækifærin þegar þau eru til staðar... mun aðild að ESB kannski fækka tækifærum fyrir Ísland?

Brennandi heitt í Reykjavík

"Enginn hefur verið fluttur á bráðamóttöku Landspítalans vegna reykeitrunar vegna eldsvoða í húsum í Austurstræti og Lækjargötu. Um 70 slökkviliðsmenn berjast nú við eldinn og fékk Slökkvilið Höfuðborgarsvæðisins aðstoð frá slökkviliði Reykjanesbæjar. Ekki er vitað um upptök eldsins. Reykur frá húsunum sem brenna nær allt að stúdentagörðum Háskóla Íslands." 

Já, loksins lætur sólin sjá sig og þá kviknar í borginni. Þetta er alveg svakalegt. Vonandi verða þessi mál á borði borgarstjórnar til afgreiðslu sem fyrst, núna fyrir sumarið. Ferðamenn fara fjölgandi í hverri viku og þannig séð er það mikilvægt að vera með hreina og fallega borg. Mikilvægt fyrir bæði ferðamannaiðnaðinn og okkur Íslendinga. Frekar sorglegt að missa þessi hús, enda er þetta hluti af hjarta höfuðborgarinnar. En það verður vonandi farið beint í uppbyggingu, þökkum fyrir að engin kom til skaða af þessu og að tapið er einungis eignartjón.

Þök rifin af brennandi húsum - gaskútageymslur í hættu

Íslensk útrás: fríblaðið Boston NOW gefið út í dag

"Dagsbrun Media gefur í dag í fyrsta skipti út fríblað í Boston í Bandaríkjunum. Blaðið heitir Boston NOW og kemur fram í Viðskiptablaðinu í dag, að það komi fyrst um sinn út í 200 þúsund eintökum og verði dreift á lestarstöðvum og götuhornum."

200 þúsund eintökum? Það er nú fín stærð á blaðaútgáfu. Á íslandi er heildarmarkaður blaðanna um það bil 270 þúsund eintök. Og þá er sagt að ekki sé pláss fyrir fleiri blöð. Verður spennandi að fylgjast með þessari áframhaldandi útrás fríblaða. 

"Gunnar Smári segir, að ætlunin sé að hefja útgáfu hliðstæðra blaða í um 10 öðrum borgum Bandaríkjanna."

Dagsbrun Media gefur út fríblað í Boston

Fréttamenn hafa jafnvel hreytt í mig fúkyrðum

Áhugaverður gestur í þessari viku á Deiglan.com. Ég sat málstofu um fjölmiðla og stjórnmál á þessari önn, þar sem námsefnið var meðal annars fjölmiðlapistlar Ólafs Teits. Ólafur Teitur Guðnason gegnir mikilvægu hlutverki, þar sem þar sem hann er nokkuð aleinn um að gagnrýna fjölmiðla nú á dögum! Mæli með þessu og einnig fínum leiðara sem Þórlindur Kjartansson, ritstjóri Deiglunar, er með í dag.

Ólafur Teitur Guðnason er Deiglugesturinn: Egill Helgason sagði í ritdómi um fjölmiðlapistlana Ólafs Teits að hann væri "með óvinsælustu mönnum í íslenskri fjölmiðlastétt". Hann taldi það ekki síst stafa af því að fjölmiðlamenn væru viðkvæmir fyrir sjálfum sér og ættu bágt með að þola það að fundið væri að verkum þeirra. Ólafur er Deiglugesturinn í þessari vikur og gagnrýnir meðal annars Deigluna.

Rétt að einkavæða Landsbankann

„Landsbankinn er sagður hafa áhuga á að kaupa breska hlutabréfamiðlarann Bridgewell Group PLC" Já, þessi útrás er nú alveg ótrúleg. Landsbankinn er meðal þeirra fyrirtækja sem heldur áfram í útrás sinni. Það er alveg skýrt að það var rétt ákvörðun að einkavæða bankann. Landsbankinn hefur stækkað og styrkt sig mun meira á síðustu árum en hann náði að gera alla síðustu öld. Íslensk fyrirtæki stækka bæði hér á landi ásamt því að styrkja stöðu sína erlendis. Það er ekki langt síðan að Landsbankinn keypti Teather & Greenwood(2005).

 

 Aðeins um eitt annað íslenskt fyrirtæki. Félagi minn Kristján Freyr Kristjánsson bloggar í dag um grein í nýjustu útgáfu The Economist. Þar er viðtal við Róbert Wessman. "Þegar Wessmann tók við árið 1999 voru 146 starfsmenn og velta hjá fyrirtækinu nam rúmlega 57 miljónir Evra. Árið 2006 er fyrirtækið komið með 11.000 starfsmenn og veltu upp á 1.4 miljarð Evra." Það er ekki hægt að gera annað en að fagna þessu! :) 

Visir.is: Actavis á meðal líklegustu kaupenda á Merck
"Mestar líkur eru á að lyfjafyrirtækin Actavis og indverska félagið Torrent Pharmaceuticals muni berjast um samheitalyfjahluta þýska lyfjarisans Merck. Þetta segir bandaríska viðskiptatímaritið Forbes sem telur að kaupverð geti numið allt að sex milljörðum dala, jafnvirði rúmra 392 milljarða íslenskra króna. Fjárhæðir á borð við 360 til 450 milljarða krónur hafa áður verið nefnd sem hugsanlegur verðmiði fyrir samheitalyfjahlutann."

Landsbankinn sagður vilja kaupa breskt fjármálafyrirtæki