Fríverslunarviðræður Íslendinga valda skjálfta

DEIGLAN.COM: Samkvæmt vefritinu Fishupdate.com þá er einhver skjálti í mönnum í evrópska fiskiðnaðinum vegna fríverslunarviðræðna Íslendinga og Kínverja. Evrópusambandið(ESB) hefur sett upp tollmúra til að aðstoða innlendra framleiðendur í samkeppni við frosinn fisk frá Kína. Allt er á uppleið í Kína, en mikill samdráttur í Evrópu. Sagt er frá því á Deiglunni að með slíkum fríverslunnarsamningi "myndast möguleiki á því að flytja frosnar fiskafurðir til Íslands og þaðan til Evrópusambandsins þar sem Ísland er í Evrópska Efnahagssvæðinu.(...) Hér eru um mikil tækifæri fyrir íslenska athafnamenn að ræða.  Þetta væri ekki mögulegt ef Ísland væri aðili að Evrópusambandinu."

Þetta sýnir okkur hvernig Ísland getur hagnast verulega á því að starfa sjálfstætt og ekki láta ESB taka slíkar ákvarðanir fyrir sig. Ef Ísland væri aðili að ESB, þá væri það einfaldlega bara þannig að sambandið hefði neitað Íslendingum að fara í þessu viðskipti. Sambandið og Ísland deila ekki sömu áhyggjum eins og sést vel í þessu máli. Íslendingar vilja nýta sér tækifærin þegar þau eru til staðar... mun aðild að ESB kannski fækka tækifærum fyrir Ísland?

Brennandi heitt í Reykjavík

"Enginn hefur verið fluttur á bráðamóttöku Landspítalans vegna reykeitrunar vegna eldsvoða í húsum í Austurstræti og Lækjargötu. Um 70 slökkviliðsmenn berjast nú við eldinn og fékk Slökkvilið Höfuðborgarsvæðisins aðstoð frá slökkviliði Reykjanesbæjar. Ekki er vitað um upptök eldsins. Reykur frá húsunum sem brenna nær allt að stúdentagörðum Háskóla Íslands." 

Já, loksins lætur sólin sjá sig og þá kviknar í borginni. Þetta er alveg svakalegt. Vonandi verða þessi mál á borði borgarstjórnar til afgreiðslu sem fyrst, núna fyrir sumarið. Ferðamenn fara fjölgandi í hverri viku og þannig séð er það mikilvægt að vera með hreina og fallega borg. Mikilvægt fyrir bæði ferðamannaiðnaðinn og okkur Íslendinga. Frekar sorglegt að missa þessi hús, enda er þetta hluti af hjarta höfuðborgarinnar. En það verður vonandi farið beint í uppbyggingu, þökkum fyrir að engin kom til skaða af þessu og að tapið er einungis eignartjón.

Þök rifin af brennandi húsum - gaskútageymslur í hættu

Íslensk útrás: fríblaðið Boston NOW gefið út í dag

"Dagsbrun Media gefur í dag í fyrsta skipti út fríblað í Boston í Bandaríkjunum. Blaðið heitir Boston NOW og kemur fram í Viðskiptablaðinu í dag, að það komi fyrst um sinn út í 200 þúsund eintökum og verði dreift á lestarstöðvum og götuhornum."

200 þúsund eintökum? Það er nú fín stærð á blaðaútgáfu. Á íslandi er heildarmarkaður blaðanna um það bil 270 þúsund eintök. Og þá er sagt að ekki sé pláss fyrir fleiri blöð. Verður spennandi að fylgjast með þessari áframhaldandi útrás fríblaða. 

"Gunnar Smári segir, að ætlunin sé að hefja útgáfu hliðstæðra blaða í um 10 öðrum borgum Bandaríkjanna."

Dagsbrun Media gefur út fríblað í Boston

Fréttamenn hafa jafnvel hreytt í mig fúkyrðum

Áhugaverður gestur í þessari viku á Deiglan.com. Ég sat málstofu um fjölmiðla og stjórnmál á þessari önn, þar sem námsefnið var meðal annars fjölmiðlapistlar Ólafs Teits. Ólafur Teitur Guðnason gegnir mikilvægu hlutverki, þar sem þar sem hann er nokkuð aleinn um að gagnrýna fjölmiðla nú á dögum! Mæli með þessu og einnig fínum leiðara sem Þórlindur Kjartansson, ritstjóri Deiglunar, er með í dag.

Ólafur Teitur Guðnason er Deiglugesturinn: Egill Helgason sagði í ritdómi um fjölmiðlapistlana Ólafs Teits að hann væri "með óvinsælustu mönnum í íslenskri fjölmiðlastétt". Hann taldi það ekki síst stafa af því að fjölmiðlamenn væru viðkvæmir fyrir sjálfum sér og ættu bágt með að þola það að fundið væri að verkum þeirra. Ólafur er Deiglugesturinn í þessari vikur og gagnrýnir meðal annars Deigluna.

Rétt að einkavæða Landsbankann

„Landsbankinn er sagður hafa áhuga á að kaupa breska hlutabréfamiðlarann Bridgewell Group PLC" Já, þessi útrás er nú alveg ótrúleg. Landsbankinn er meðal þeirra fyrirtækja sem heldur áfram í útrás sinni. Það er alveg skýrt að það var rétt ákvörðun að einkavæða bankann. Landsbankinn hefur stækkað og styrkt sig mun meira á síðustu árum en hann náði að gera alla síðustu öld. Íslensk fyrirtæki stækka bæði hér á landi ásamt því að styrkja stöðu sína erlendis. Það er ekki langt síðan að Landsbankinn keypti Teather & Greenwood(2005).

 

 Aðeins um eitt annað íslenskt fyrirtæki. Félagi minn Kristján Freyr Kristjánsson bloggar í dag um grein í nýjustu útgáfu The Economist. Þar er viðtal við Róbert Wessman. "Þegar Wessmann tók við árið 1999 voru 146 starfsmenn og velta hjá fyrirtækinu nam rúmlega 57 miljónir Evra. Árið 2006 er fyrirtækið komið með 11.000 starfsmenn og veltu upp á 1.4 miljarð Evra." Það er ekki hægt að gera annað en að fagna þessu! :) 

Visir.is: Actavis á meðal líklegustu kaupenda á Merck
"Mestar líkur eru á að lyfjafyrirtækin Actavis og indverska félagið Torrent Pharmaceuticals muni berjast um samheitalyfjahluta þýska lyfjarisans Merck. Þetta segir bandaríska viðskiptatímaritið Forbes sem telur að kaupverð geti numið allt að sex milljörðum dala, jafnvirði rúmra 392 milljarða íslenskra króna. Fjárhæðir á borð við 360 til 450 milljarða krónur hafa áður verið nefnd sem hugsanlegur verðmiði fyrir samheitalyfjahlutann."

Landsbankinn sagður vilja kaupa breskt fjármálafyrirtæki

United States of Europe

Evrópusambandið mun auðvita þróast í evrópskt ofurríki. Það þarf ekkert endilega að vera neikvætt. En ég er ekki neitt viss um að það væri best fyrir Ísland að vera þar inni. Við eigum að halda áfram að vinna í því að styrkja stöðu okkar í alþjóðasamfélaginu og koma á samningum sem henta Íslandi. Til dæmis getum við með því að ekki vera aðildarland í ESB gert samning við Kína.

Stjórnarskrá sambandsins er nokkuð stór bók, og hvort einhverjar takmarkaðar breytingar breyta miklu er ég ekki svo viss um. Það væri samt áhugavert að láta háskólasamfélagið fara nánar í þessi mál. Vonandi mun aukið fjármagn til Háskóla Íslands fara í meðal annars Evrópurannsóknir. Mikilvægt er skoða hvernig hagsmunum Íslands verði best borgið. Það er alls ekki staðfest að það sé innan Evrópusambandsins.

Segja ESB ekki þurfa nýja stjórnarskrá

Vinir Hillary Clinton styðja Obama

Það er skemmtilegt að fylgjast með kosningum í Bandaríkjunum nú á dögum. Öflugir fjölmiðlar, sterkir frambjóðendur og  núna hefur fjármagnsflæðið tekið á sig breytingu hvað varðar frambjóðendur Demókrata.

Hluti af því fjármagni sem Clinton-hjónin hefðu séð sem öruggt til sín er núna að fara til mótframbjóðendans, Barack Obama. Verdens Gang í Noregi segir frá þessu í dag. Svo virðist vera að Obama sé aleinn um það að geta sigrað Hillary Clinton. En fjölmargir vinir Clinton-hjónanna sem margir fengu að gista í Hvíta Húsinu á kjörtímabili Bill Clinton eru nú að finna sem fjárhagslega stuðningsmenn Obama. Nánari frétt um þetta í New York Times.

Kosningasjóður Obama stækkar á hverjum degi og ekki er langt í að sjóður hans verði jafn stór eða jafnvel stærri en kosningasjóður Hillary Clinton. New York Times fer vel yfir fjármál frambjóðenda.

Núverandi staða Obama vs. Clinton
Barack Obama: 1.680.009.000 ISK
Hillary Clinton: 1.706.157.000 ISK

Ekki langt á milli frambjóðenda, fjárhagslega séð eða í skoðanakönnunum. Þetta gerir allt mikið meira spennandi, þar sem sagt var frá því í byrjun að Hillary Clinton yrði lang sterkust. Þessar kenningar falla einni á eftir annarri. Obama segist vera sækjast eftir embætti forseta, ekki varaforseta.

VG.no segir einnig frá því  að frambjóðendur Repúblikana ná ekki að safna jafn miklu fjármagni, miðað við þessa tvo frambjóðendur Demókrata Hillary Clinton og Barack Obama. Þetta eru ánægjulegar fréttir. Ég er ennþá viss um að Obama sé rétti maðurinn fyrir forsetastarfið. Ég tel það vera óheppilegt að Clinton-hjónin fái annað kjörtímabil í Hvíta Húsinu. Því ef hún fer inn, þá verður það nokkuð öruggt í tvö kjörtímabil. Ég tel það vera rangt að þau hjónin fá 16 ár í Hvíta Húsinu.

Frambjóðendur (New York Times)

Fjármál frambjóðenda (New York Times)

Barack Obama.com

Hillary Clinton.com

Endurnýjun, traust og tækifæri!

Landsfundur Sjálfstæðisflokksins var glæsilegur! Óska vinum mínum sem náðu kjöri til miðstjórnar til hamingju með flotta kosningu. Erla Ósk, Örvar, Unnur Brá og fleiri. Ég hlakka til að taka þátt í baráttunni undir slíkri forystu! Flottur formaður, flottur varaformaður og flottur hópur frambjóðenda í öllum kjördæmum!

XD.IS: Miðstjórnarkjör - glæsileg kosning kvenna

Kosningu til miðstjórnar lauk kl. 12 á hádegi og voru 11 fulltrúar kjörnir. Átta konur náðu kjöri og þrír karlar en 25 gáfu kost á sér í kjöri. 1.012 landsfundarfulltrúar greiddu atkvæði. 5 kjörseðlar voru ógildir. Eftirtaldir náðu kjöri.

Kjartan Gunnarsson 70,4 %
Eyrún Ingibjörg Sigþórsdóttir 66,2 %
Unnur Brá Konráðsdóttir 66,2 %
Áslaug María Friðriksdóttir 62,9 %
Vilhjálmur Þ. Vilhjálmsson 60,6 %
Elínbjörg Magnúsdóttir 54,5 %
Þórunn Jóna Hauksdóttir 54,5 %
Þorbjörg Helga Vigfúsdóttir 53,1 %
Erla Ósk Ásgeirsdóttir 48,8 %
Helga Þorbergsdóttir 47,2 %
Örvar M. Marteinsson 46,4 % 

------ 

Stefnan skýr á öllum sviðum, ekkert skoðanaleysi í gangi hér! Það er augljóst að Ísland er land tækifæranna og að kjör þeirra lægst settu í samfélaginu hafa farið batnandi(hér erum við með þeim bestu í Evrópu). Einnig er jöfnuður mikill á Íslandi. Samfylkingin hefði ekki geta gert neitt betur, við sáum alveg hvernig hún stjórnaði borginni með auknum skuldum og grænu skref þeirra voru nánast engin. Hvernig ætlar Samfylkingin að fjármagna allt velferðasamfélagið án hagvaxtar í samfélaginu? Þarf ekki auknar tekjur til að geta séð fyrir auknum útgjöldum? 

Núna er bara að mæta á kjörstað þann 12.maí nk. og endurnýja umboð Sjálfstæðisflokksins til að stýra næstu ríkisstjórn!

Geir: Fer fram á endurnýjað umboð til að stýra næstu ríkisstjórn

Samfylkingin er ekki fullmótaður flokkur!

Það er ekki hægt að segja það eftir einungis átta ár, að Samfylkingin sé orðin fullmótaður flokkur jafnaðarmanna. Fylgishrun flokksins sýnir nákvæmlega allt annað. Til dæmis er ekki öruggt hver staða VG verði á næstunni.

Það er best að gefa Sjálfstæðisflokknum áframhaldandi umboð. Sjálfstæðisflokkurinn er fullmótaður flokkur sem byggir starf sitt á traustum grunni. Búið er að endurnýja forystu flokksins og ályktanir sem samþykktar voru í dag á landsfundinum í Laugardalshöll eru til fyrirmyndar. Flokkurinn hefur verndað frelsi og sjálfstæði einstaklingsins á Íslandi í marga áratugi, og vona ég að hann muni halda sínu forystuhlutverki.

"Aðalhugsunin er sú, að þjóðfélagið verði samsafn sem flestra sjálfstæðra og frjálsra einstaklinga, sem hver fyrir sig geti haft sem óbundnastar hendur til þess að efla farsæld síns heimilis og þar með alls þjóðfélagsins öðrum að skaðlausu" Jón Þorláksson, 1926

"En frelsi og sjálfstæði er sá aflvaki, sem Íslendingum hefur bezt dugað. Ef við sjálf dugum þeirri háleitu hugsjón, mun Ísland vel vegna, bæði í bráð og lengd" Bjarni Benediktsson, 1969

"Við viljum búa í þjóðfélagi, þar sem hver einstaklingur fær notið sín og hefur fullt athafnarfrelsi, laus við þrúgandi hömlur miðstýringar" Geir Hallgrímsson, 1977 

XD er málið!

Ingibjörg Sólrún: Erum orðin fullmótaður flokkur jafnaðarmanna

Hryðjuverkamenn styðja rök Bandaríkjamanna

Í frétt á mbl.is er sagt frá eftirfarandi: "Að sögn fréttaskýranda BBC í Írak eru sprengjuárásirnar tvær í dag mikið áfall fyrir Bandaríkjaher, en þrír mánuðir eru liðnir frá því öryggisgæslan í borginni var hert til muna."

Eins og ég nefndi í bloggfærslunni fyrr í dag, Sprenging: tveir þingmenn látnir, þá eru þessar árásir einungis að styrkja þau rök Bandaríkjamanna um að áframhaldandi viðvera hersins sé nauðsynleg í Írak til að tryggja öryggi og stöðuleika.

Ætli það sé markmið þessara manna?

Maliki: Tilræðið mun ekki veikja staðfestu þingmanna

Sprenging: tveir þingmenn látnir

Nú á dögum reyna heimamenn að endurskipuleggja sig og byggju upp landið. En hver vill taka þátt í því, þegar ekki einu sinni þinghúsið fær að vera í friði? Það er lykilatriði fyrir framtíð Íraks að stjórnmálin fá að starfa í öruggu umhverfi, gefa þeim möguleika á því að koma á lýðræði í landinu. Þá getur almenningur sjálfur ákveðið hver og hvernig landinu er stýrt. Sjá bara Kúrdistan, þeir eru þarna í nágrenninu og þar er öryggið allt annað og lífskjör mun betri. Mjög athyglisvert að eina landsvæðið sem er að þróast í jákvæða átt er neitað sjálfstæði:P Þar skil ég ekki Bandaríkjamenn, þar sem þeir segja að Kúrdistan mun hagnast meira á því að vera hluti af Írak. hmmm....

En flestir fræðimenn eru nú sammála um það að lýðræði og öryggi eru lykilatriði í þróun ríkja nútímans. Sérstaklega til að geta tekið þátt í alþjóðavæðingunni. Þess vegna eru þessir aðilar sem sprengja þinghús og drepa þingmenn einungis að gera það erfiðara fyrir Bandaríkjamenn að yfirgefa svæðið. Ef það væri búið að koma á stöðuleika í Írak, þá væri mun erfiðara fyrir Bandaríkjamenn að færa rök fyrir áframhaldandi viðveru.

Sprenging í íraska þinghúsinu - tveir þingmenn látnir

Góð bankamenning á Íslandi

Landsbankinn úthlutaði í dag styrkjum úr Menningarsjóði sínum til 75 góðgerðar- og styrktarfélaga og fékk hvert þeirra eina milljón króna.

Lista yfir félögin 75 má finna á vefsíðunni www.gottmalefni.is, en þeirra á meðal eru ABC barnahjálp, Blátt áfram, forvarnir vegna kynferðislegrar misnotkunar á börnum, Félag einstæðra foreldra, Forma - Samtök átröskunarsjúklinga á Íslandi, Klúbburinn Geysir, Regnbogabörn og Styrktar- og minningarsjóður skáta.

Þetta er góð bankamenning. Og auðvita Landsbankinn þar efst sem banki allra landsmanna í 120ár;)

75 félög fengu styrki úr Menningarsjóði Landsbanka

Lewis Black: Uppistand og umhverfismál

Jæja.. á morgun þarf maður svo að mæta í tíma og skila skýrslum og ritgerðum. En var að bæta við myndbandi á myspacinu mínu. Lewis Black fer þar aðeins yfir meðal annars stöðu Bandaríkjanna í umhverfismálum. Ég er nokkuð viss um að Kyoto-bókunin geti verið fínt verkfæri í framtíðinni. En forsendan til þess er að mínu mati að fá Bandaríkin með í dæmið. Lewis Black spyr af hverju Bandaríkin hafa ekki skrifað undir bókunina... bara fyndið:PLewis on Late Show 8/30/02

Add to My Profile | More Videos

Einkaskóli án skólagjalda opnar í haust

Var að lesa grein sem Helga Lára er með á Deiglan.com í dag um nýjan einkaskóla sem opnar í haust.

"Á dögunum var kynntur nýr menntaskóli sem tekur til starfa í haust. Allir nemendur fá fartölvur, engin hefðbundin próf verða til staðar og nám til stúdentsprófs tekur þrjú ár. Draumur í dós, eða hvað? Þessi nýji menntaskóli mun bera heitið Menntaskóli Borgarfjarðar og verða fyrstu nemendurnir teknir inn í haust." 

"En það sem mér finnst athyglisverðast við þennan nýja skóla er að boðið verður upp á almenna námsbraut og starfsbraut fyrir fatlaða nemendur. Þar verður kennslan að fullu einstaklingsmiðuð og markmiðið verður að undirbúa nemendur fyrir þátttöku á vinnumarkaði. Mjög mikilvægt er fyrir fatlaða nemendur, sem almennnar námsbrautir henta ekki, að hafa góðan valkost til að þroska eigin hæfileika og getu."

Þetta er nú ekkert annað en glæsilegt. Hvernig ætla Vinstri grænó að mótmæla þessu?

 

Nær að sprengja Ísland en Íran

Ekki allir á Íslandi sem fatta djókið en alla vega, þetta er bara fyndið. 

" If we unleashed Shock and Awe in Reykjavik, we would generously compensate Iceland to the tune of, say, 275 percent of that country's $14 billion 2006 GDP — a mere trifle in our giant federal budget. Furthermore, we would build, at our expense, an exact pre-bombing replica of their pulverized city, albeit with 21stcentury American plumbing and electronics. Could any reasonable people resist such generosity?"

"American companies — such as Halliburton and Bechtel — would be given the customary sole-source federal contracts to (a) rebuild Reykjavik after the Shock and Awe show and (b) build a giant subterranean bomb shelter in the mountain range south of Reykjavik before the show, to shield Iceland's population and art treasures from the exploding ordnance our bombers and ships would deliver."

"So there you have it. By doing Iran, we might just embarrass ourselves once more, as we have by doing Iraq. Why take that chance? A debt-financed bombing of Iceland would (1) modernize that country, (2) (2) create wealth in our economy, (3) demonstrate our military might abroad and (4) be cheaper. It's win-win-win all around."

Þessi maður er prófessor í stjórnmálahagfræði.

Nær að sprengja Ísland en Íran

Auglýsingabrella Írana staðfest

Það er mikið rétt í þessu hjá Blair. Það má alls ekki með þessu slaka á gagnvart Írönum í öðrum málum. Ég er með bloggfærslu frá því í hádeginu í dag: "Auglýsingabrella ársins?". Mér finnst það nú vera nokkuð staðfest núna, að þetta var auglýsingabrella. Þegar Bretar segja engar samningaviðræður hafa farið fram og ekkert samkomulag hafi náðst af neinu tagi... samt eru strákarnir komnir heim með kampavín og sælgæti?

Ég vona að það sé rétt sem hann Blair segir, um nýjar samskiptaleiðir, þannig séð til að forðast hernaðaraðgerða.  Ég reikna nú með því að þessar aðgerðir Íransforseta eiga eftir að gera mikið erfitt fyrir næstu skref Breta og Bandaríkjamanna.

En er forsetinn í alvöru að óska eftir friðsamlegu samstarfi? Er þetta ekki bara auglýsingabrella til að ná sér í stuðning meðal almennings í vestrænum ríkjum?

Ekki samið við Írana um lausn sjóliða að sögn Blair

Auglýsingabrella ársins?

Mætti halda að það væri 1.apríl í dag. En neinei, Íranar eru bara snillingar í markaðsmálum. Sælgæti, blómavasa og kampavín. Þeir voru einnig allir í fínustu jakkafötum og brosandi.

Ahmadinejad [1 - 0] Bush/Blair 

Ahmadinejad sendir kannski fréttatilkynningu seinna í dag með fyrirsögninni: "Blair: Tekinn!!" eða "Face!!"

Sjóliðarnir komnir heim með vasa og sælgæti frá Ahmadinejad

Erum við alþjóðleg?

Forstjóri OMX Nordic Exchange á Íslandi, Þórður Friðjófsson, mætti til okkar í tíma fyrir uþb 2 vikum síðan. Námskeiðið heitir -Alþjóðavæðing og stjórnmál alþjóðahagkerfisins-. Ég spurði þar hvort Íslendingar fá þessa eftirsóttu athygli alþjóðasamfélagsins/fjárfesta. Við erum auðvitað nafli alheimsins þegar við Íslendingar tölum um aðra Íslendinga eða bara starfsemi tengd landinu. En hvernig er þetta í raun og veru, erum við að verða stór?

Þórður svaraði með því að benda á sjálfstraust Íslendinga. Hann sagði: -við erum öðruvísi. Til dæmis förum við beint í stór alþjóðleg fyrirtæki með hugmyndir, kynningar og framtíðarsýn. Það er ekki beðið eða óttast neitt. Þetta er hluti af því sem gerir íslenska fjárfestingaaðila sterka. Sjáum góð tækifæri, og reynum að nýta þau eins og við getum. Þetta skilar árangri-. Það er auðvitað áhætta í því að fara í útrás og fjárfesta í hitt og þetta. En það er líka áhætta falin í því að standa aðgerðalaus, bætti Þórður við. Við erum nú vonandi flest sammála um það, að sá sem tekur ekki áhættu getur ekki krafist þess að upplifa hagvöxt.

Kauðhöllin er að þróast í rétta átt, og erum við að undirbúa okkur fyrir framtíðina! Til hamingju!

Alþjóðleg kauphöll á Íslandi

Kjósum fólk með skoðanir

Ég er rauður, skoðanalaus, skil ekki alveg hvernig lýðræði virkar og er hræddur við að takast á við flókin málefni. Hver er ég?
Svar: Samfylkingin

Ég ætla ekki að taka álver eða úrslit þessara kosninga sem áttu sér stað í Hafnarfirði þessa helgi til umfjöllunar. Nokkuð viss um að það sé til nóg af pistlum, greinum og bloggfærslum um þau málefni. En mig langar til að fara aðeins yfir þetta fyrirbæri sem ber nafnið “íbúalýðræði”. Stjórnmálamenn nútímans virðast halda að þeir geti falið skoðanir sínar á bak við íbúalýðræðið. Erum við ekki flest sammála um að það sé einfaldlega rangt?

Þetta er meðal þess sem fram kemur í Deiglupistli eftir mig sem birtist í dag.

1. apríl 2007

Morgunblaðið: http://www.mbl.is/mm/frettir/popup/gagnvirkt_blogg.html

Einhver sem veit hvað t.d. Fréttablaðið eða aðrir fjölmiðlar voru með?

Víðar Ragnarsson bloggar um 100 bestu 1. apríl göbbin

Nokkur dæmi:

•6. Amerísk útvarpsstöð 1992. Richard Nixon ætlaði að bjóða sig aftur fram sem forseti Bandaríkjanna. Slagoðið hans var: "Ég gerði ekkert rangt og ég skal ekki gera það aftur".

•8. Burger King 1998. Heilsíðuauglýsingar um nýja - Left-handed Whopper, Sérstaklega gerður fyrir 32 milljónir örvhenta í Bandaríkjunum.

•10. BBC Radio 1976. Sjaldgæft geimfræðilegt atvik átti að hafa augnabliks áhrif á aðdráttarafl jarðar. Með því að hoppa á réttum tíma ættu hlustendur að geta svifið um í loftinu í dálitla stund. Hundruðir hlustenda hringdu inn og sögðust hafa svifið...